ပြင်ဦးလွင်တွင် မိုးလေပြင်းကျ သစ်ပင်များကျိုးကျ အဆောက်အဦအချို့ပျက်စီး
DVB
·
April 22, 2016
မန္တလေးတိုင်းဒေသကြီး ပြင်ဦးလွင်မြို့မှာ ဧပြီလ ၂၁ ရက်နေ့ညက မိုးကြီးပြီး လေပြင်းတိုက်တဲ့ အတွက် လမ်းမကြီးတလျှောက် သစ်ပင်တွေကျိုးကျသလို အဆောက်အဦတချို့ပါ ပျက်စီးသွား ပါတယ်။
မနေ့ည ၇ နာရီက လေပြင်းစတိုက်ရာမှာ ၁၅ မိနစ်လောက်သာ ကြာမြင့်ပေမယ့်လည်း အောင်ချမ်းသာရပ်ကွက်ကနေ မေမြို့အတက်လမ်းထိ သစ်ပင် သစ်ကိုင်းတွေ ကျိုးကျပြီး ဈေးဆိုင်ခန်း အဆောက်အဦတွေပါ ထိခိုက်တယ်လို့ ပြင်ဦးလွင် အန်အယ်လ်ဒီအမတ် ဦးအောင်မင်း က ဒီဗွီဘီကို ပြောပါတယ်။
“သစ်ပင်တွေခပ်များများလဲကျတာပေါ့။ အောင်ချမ်းသာကနေတောက်လျှောက် တစ်တန်းကြီးမှာ ဘေးနားက သစ်ပင်တွေ၊ နဂိုကလည်း အမြစ်သိပ်မကောင်းတဲ့အပင်တွေ လဲတာပေါ့။ အောင်ချမ်းသာရပ်ကွက်ကနေ မေမြို့ထိ လမ်းတွေပေါ်မှာ သစ်ပင်သစ်ကိုင်းတွေ ကျနေတယ်။ ဆိုင်ခန်းခေါင်မိုးတွေပေါ်လည်း ကျတယ်။ ပျက်စီးမှုရှိပေမယ့် ကြီးကြီးမားမားတော့ မဟုတ်ပါဘူး။”
လမ်းပေါ်ပြန့်ကျဲနေတဲ့ သစ်ကိုင်းစတွေကို ဒီကနေ့မနက် ၅ နာရီကစပြီး မြို့ခံတွေနဲ့ စည်ပင်သာတို့ ပူးပေါင်း ရှင်းလင်းရေးတွေ လုပ်နေတယ်လို့ သိရပါတယ်။