ပြီးခဲ့တဲ့နှစ် ဒီဇင်ဘာလက အမေရိကန်ပြည်ထောင်စု ကယ်လီဖိုးနီးယားပြည်နယ်မှာ အကြမ်းဖက်တိုက်ခိုက်ခဲ့တဲ့ မွတ်စလင်အစွန်းရောက်ရဲ့အိုင်ဖုန်းကို Apple ရဲ့ အကူအညီမပါပဲ ဖွင့်နိုင်ခဲ့ပြီး Apple နဲ့ အမှုကိုလည်း ပြန်ရုပ်သိမ်းလိုက်တယ်လို့ ပြည်ထောင်စု စုံစမ်းစစ်ဆေးရေးဗျူရို (အက်ဖ်ဘီအိုင်)က ပြောဆိုပါတယ်။ ပြီးခဲ့တဲ့လက အဲဒီအကြမ်းဖက်ရဲ့ အိုင်ဖုန်းထဲမှာ လုံခြုံရေးအတွက် အရေးကြီးတဲ့ အချက်အလက်တွေ ရှိနိုင်တယ်ဆိုပြီး ဖွင့်ပေးဖို့ ပြည်ထောင်စု စုံစမ်းစစ်ဆေးရေးဗျူရို (အက်ဖ်ဘီအိုင်) က တရားရုံးအမိန့်နဲ့ Apple ကုမ္ပဏီကို တောင်းဆိုခဲ့ပေမယ့် Apple က ငြင်းဆန်ခဲ့တာပါ။ အခုတော့ အဲဒီအိုင်ဖုန်းကို အစ္စရေးနည်းပညာကုမ္ပဏီတခုရဲ့ အကူအညီနဲ့ ဖောက်နိုင်ခဲ့တယ်လို့ ပြီးခဲ့တဲ့တပတ်က အစ္စရေးသတင်းစာတစောင်က  ဖော်ပြခဲ့ပြီး အဲဒီကုမ္ပဏီကလည်း အက်ဖ်ဘီအိုင်နဲ့ ပူးပေါင်းဆောင်ရွက်ခဲ့တယ်လို့ ၀န်ခံထားပါတယ်။ ကယ်လီဖိုးနီးယားပြည်နယ် ဆန်ဘာဒီနိုမြို့အကြမ်းဖက်တိုက်ခိုက်မှုမှာ အကြမ်းဖက်စုံတွဲ ၂ ဦးတို့က လူ ၁၄ ဦးကို ပစ်သတ်ခဲ့ကြပြီး သူတို့ ၂ ဦးကိုလည်း အမေရိကန်ရဲတပ်ဖွဲ့က အသေပစ်ခတ်ရှင်းလင်းခဲ့ပါတယ်။ အကြမ်းဖက်တွေရဲ့ မိုဘိုင်းဖုန်းတွေထဲက အချက်အလက်တွေကို ဖောက်ဖျက်ပြီး ရယူနိုင်ခဲ့တဲ့အတွက် ကလေးတွေအပါအ၀င် လူ့အသက်ပေါင်းများစွာကို အကြမ်းဖက်တွေ ရန်ကနေ ကယ်တင်နိုင်ခဲ့တယ်လို့ အက်ဖ်ဘီအိုင်ညွန်ကြားရေးမှူးက ဖုန်းတွေကို လုံခြုံရေး အကြောင်းပြချက်နဲ့ ဖွင့်ဖောက်စစ်ဆေးရတဲ့ကိစ္စကို ကာကွယ်ပြောဆိုခဲ့ပါတယ်။