ဘရပ်ဆဲလ်လေဆိပ် ပေါက်ကွဲမှု သံသယရှိသူ ၃ ဦးပုံ ထုတ်ပြန်

ဓာတ်ပုံ - ရိုက်တာ
မတ်လ ၂၂ ရက်နေ့ကဖြစ်ခဲ့တဲ့ ဘရပ်ဆဲလ်လေဆိပ် ပေါက်ကွဲမှုမှာ သံသယဖြစ်ဖွယ် အမျိုးသား ၃ ဦးရဲ့ပုံတွေကို လုံခြုံရေးကင်မရာမှတဆင့် ဖမ်းယူရရှိခဲ့တယ်လို့ ဘယ်လ်ဂျီယံနိုင်ငံ ဗဟိုအစိုးရရှေ့နေ ဖရက်ဒရစ်ဗန်လျူက ပြောပါတယ်။ “သံသယဖြစ်စရာ လူ ၃ ယောက်ရဲ့ ပုံတွေကို ဇမ်ဘာတန်လေဆိပ် (လုံခြုံရေးကင်မရာ) မှာ ရိုက်ယူထားနိုင်ခဲ့တာပါ။ သူတို့ထဲက ၂ ယောက်ကတော့ အသေခံ ဗုံးဖောက်ခွဲရေးသမားတွေ ဖြစ်ပုံပေါ်ပါတယ်။ အရောင်တောက်တောက် ဂျက်ကက်ဝတ်ထားပြီး ဦးထုပ်ဆောင်းထားတဲ့ တတိယတယောက်ကတော့ တက်တက်ကြွကြွ လုပ်ခဲ့ပုံပါပဲ” လို့ သူက သတင်းစာရှင်းလင်းပွဲမှာ ပြောလိုက်ပါတယ်။ ဘရပ်ဆဲလ်မှာ မနေ့က လေဆိပ်တွင်း ပေါက်ကွဲမှု ၂ ခုနဲ့ မီးရထားဘူတာရုံမှာ ပေါက်ကွဲမှုတကြိမ် ဖြစ်ခဲ့တာပါ။ ဒီပေါက်ကွဲမှုကြောင့် လူပေါင်း ၃၀ ထက်မနည်း သေဆုံးခဲ့ရပြီး အိုင်အက်စ် အကြမ်းဖက်အဖွဲ့က သူတို့ရဲ့လက်ချက်ဖြစ်တယ်လို့ ထုတ်ဖော်ကြေညာခဲ့ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up