လက်သည်းခွံအရွယ် ကမ္ဘာ့အသေးငယ်ဆုံး သေနတ်ကို လေလံတင် (သတင်းဓာတ်ပုံ)

လီပတိပရိုတက်တာ (Le Petit Protector) အမှတ်တံဆိပ် လက်သည်းခွံအရွယ်ရှိတဲ့ ကမ္ဘာ့အသေးငယ်ဆုံး သေနတ်ကို ရောင်းချဖို့ ဥရောပလေလံဈေးကွက်မှာ တင်ထားတယ်လို့ ဒေးလီးမေးလ်သတင်းမှာ ဖော်ပြပါတယ်။ ၁၉ ရာစုလက်ရာ ပြင်သစ်စတိုင် လက်စွပ်ပုံစံ ပြုလုပ်ထားတဲ့ ဒီခြောက်လုံးပြူး သေနတ်ဟာ လက်ဝတ်ရတနာသဖွယ် ၀တ်ဆင်နိုင်ပြီး တကယ့်ကို ရှားပါးတဲ့ လက်ရာတခု ဖြစ်နေပါပြီ။ လက်ဝတ်ရတနာသဖွယ် ပြုလုပ်ထားတဲ့ ဒီသေနတ်မှာ စတီးကွိုင်ပလိတ်ပြားတွေခံကာ တည်ဆောက်ထားပြီး ၄ မီလီမီတာ အရွယ်ရှိတဲ့ ယမ်းတောင့်တွေ ထည့်နိုင်မယ့် ဆလင်ဒါပုံပြောင်းတွေနဲ့ ချိတ်ဆက်ထားတာပါ။ ဒါဟာ သေးငယ်တဲ့သေနတ် ဖြစ်ပေမယ့် ပစ်လိုက်ရင်တော့ ကျယ်လောင်တဲ့အသံနဲ့ စည်သွပ်ဘူးတဘူးရဲ့ အခွံကို ထိုးဖောက်နိုင်လောက်တဲ့ထိ ပြင်းအားရှိတယ်လို့ Guns.com က ဆိုပါတယ်။ ထိပ်ပိုင်းကိုတော့ ရှုပ်ယှက်ခတ်နေတဲ့ စပျစ်နွယ်ဒီဇိုင်းတွေနဲ့ ထွင်းကာ အလှဆင်ထားတဲ့ ဒီသေနတ်လက်စွပ်ဟာ ပကတိအကောင်းအတိုင်း ရှိနေသေးတယ်လို့ လေလံသမားတွေက ပြောပါတယ်။ ဒီသေနတ်ကို ဥရောပလေလံဈေးကွက် ကက်တာဝီကီမှတဆင့် ရောင်းချနိုင်ဖို့ လေလံတင်ထားကာ လေလံကြေး ပေါင် ၁၅၀၀ ထက် ပိုမိုရရှိနိုင်ဖို့ မျှော်လင့်ထားတာပါ။ လေလံတင်ရောင်းချမယ့်ရက်ကတော့ မတ်လ ၁၁ ရက်ကနေ ၁၈ ရက်နေ့အထိ သတ်မှတ်ထားတာ ဖြစ်ပါတယ်။ ကက်တာဝီကီမှ လေလံဈေးကွက် အထူးကျွမ်းကျင်သူ အေလိန်းဒိုင်လ်မန်က “ဒီသေနတ်မှာ ကြီးကျယ်ခမ်းနားတဲ့ လက်မှုအနုပညာနဲ့ ရှားပါးမှုတွေ ရှိနေတဲ့အတွက် ကမ္ဘာတလွှားက ၀ယ်သူတွေ စိတ်ဝင်စားမှု ပိုလာမယ်လို့ ထင်ပါတယ်” လို့ ပြောပါတယ်။ ဓာတ်ပုံ - Rossparry.co.uk  

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up