ဦးမြင့်ဆွေကို ဒုသမ္မတအဖြစ် တပ်မတော်ရွေးချယ်
DVB
·
March 11, 2016
ရန်ကုန်တိုင်း ၀န်ကြီးချုပ် ဦးမြင့်ဆွေကို တပ်မတော်သား လွှတ်တော်ကိုယ်စားလှယ်များ အစုအဖွဲ့က ဒုတိယသမ္မတအဖြစ် ရွေးချယ်လိုက်တယ်လို့ စစ်တပ်ပိုင် မြ၀တီသတင်းက ထုတ်ပြန်ပါတယ်။
နိုင်ငံတော်သမ္မတနဲ့ ဒုတိယသမ္မတများ ရွေးချယ်တင်မြှောက်ရေးဆိုင်ရာ ဥပဒေ၊ နည်းပဒေတွေ အရ ၁၆၆ ဦးပါ တပ်မတော်သားလွှတ်တော်ကိုယ်စားလှယ်များ အစုအဖွဲ့က ဒီကနေ့ မနက် နေပြည်တော်ရှိ ဆင်ဖြူရှင်ခန်းမမှာ ဒုတိယသမ္မတ ရွေးချယ်ခဲ့တာဖြစ်ပါတယ်။
တပ်မတော်သား လွှတ်တော်ကိုယ်စားလှယ် ဗိုလ်မှူးချုပ် သန်းလွင်က ဒုတိယဗိုလ်ချုပ်ကြီး မြင့်ဆွေ (အငြိမ်းစား)ကို ဒုတိယသမ္မတလောင်းအဖြစ် အဆိုပြုတင်သွင်းပြီး တပ်မတော်သား လွှတ်တော်ကိုယ်စားလှယ် ဗိုလ်မှူးချုပ် တင်စန်းနိုင်က ထောက်ခံပြီးနောက် ယင်းအဆို အပေါ် ကန့်ကွက်သူမရှိတဲ့အတွက် ဒုတိယသမ္မတအဖြစ် ရွေးချယ်အတည်ပြုခဲ့တာလို့ ဆိုပါတယ်။။
ဦးမြင့်ဆွေဟာ စစ်တက္ကသိုလ် အပတ်စဉ် (၁၅) သင်တန်းဆင်းဖြစ်ပြီး တပ်မတော်မှာ တပ်မ ၁၁ တပ်မမှူး၊ အရှေ့တောင်ပိုင်းတိုင်း တိုင်းမှူး ရန်ကုန်တိုင်း တိုင်းမှူးနဲ့ စစ်ဖက်ရေးရာ လုံခြုံရေး အရာရှိချုပ် တာဝန်တွေ ထမ်းဆောင်ခဲ့ဖူးပါတယ်။
ဓာတ်ပုံ - မြ၀တီ
