ကမ်းခြေတွင် စပါးကြီးမြွေနှင့် ဖက်ရမ်းနမ်းရှုပ်ပြီး ရေကစားခဲ့သူ (ရုပ်သံ)

သြစတြေးလျနိုင်ငံ၊ ကမ်းခြေတခုက အများပြည်သူ အပန်းဖြေနိုင်တဲ့ ကမ်းခြေတခုမှာ အမျိုးသားတဦးဟာ မြွေတကောင်နဲ့ ရေကစားခဲ့တာကြောင့် အနီးအနားက ရေကစားကြသူတွေဟာ အထိတ်တလန့် ဖြစ်ခဲ့ကြတာကို ယူပီအိုင်သတင်းမှာ မတ်လ ၁ ရက်နေ့က ဖော်ပြပါတယ်။ အဲဒီအမျိုးသားဟာ ကွင်းစ်လန်ပြည်နယ်၊ တော်လီဘတ်ဂီယာကမ်းခြေမှာ ဘီယာသောက်ပြီး သူ့ရဲ့ အိမ်မွေးစပါးကြီးမြွေကို တို့ထိ ဆော့ကစားခဲ့တာပါ။ အဲဒီအဖြစ်အပျက်ကို မျက်မြင်တွေ့ရှိကြတဲ့ လာရောက်လည်ပတ်ကြသူ ကလေးတွေနဲ့ မိဘအုပ်ထ်ိန်းသူတွေက အထိတ်တလန့်ဖြစ်ကာ ကမ်းပေါ်ပြေးတက်ခဲ့ကြတယ်လို့ သတင်းမှာ ဖော်ပြပါတယ်။ ဒီရုပ်သံဗွီဒီယိုဖိုင်ကို အဖြစ်အပျက် အစအဆုံး တွေ့ရှိခဲ့တဲ့ ဘရစ္စဘိန်းမြို့ခံ အင်ဒီ ဒေးဗီးစ်က ရိုက်ယူခဲ့ပြီး အင်စတာဂရမ် စာမျက်နှာပေါ် တင်ခဲ့ပါတယ်။ “သူ့ဆီမှာ မြွေကိုတွေ့ခဲ့ချိန် လူတွေဟာ ထိတ်လန့်တကြား အော်ပြီး ပြေးတက်သွားကြတယ်။ မိဘတွေက သူတို့ကလေးတွေကို ‘ရေထဲက မြန်မြန်တက်ခဲ့ကြတော့။ သူ့ဆီမှာ မြွေတကောင်နဲ့’ ဆိုပြီး အော်ပြောခဲ့ကြတာပါ။” အဲဒီအမျိုးသားဟာ မြွေနဲ့အတူ မိနစ် ၂၀ ကြာအောင် ရေကူးနေခဲ့ပြီးမှ ထွက်ခွာသွားခဲ့တာဖြစ်တယ်လို့ ဆိုပါတယ်။ ဒေးဗီးစ်က “သူက ရေထဲကတက်လာခဲ့ပြီး ကျနော်တို့ဆီ လာနှုတ်ဆက်ခဲ့တယ်။ ဆက်ဆံရေးလည်းပြေပြစ်ပြီး သူမွေးထားတဲ့ မြွေကိုလည်း တော်တော်ချစ်ပုံရတယ်” လို့ ပြောပါတယ်။ တွားသွားသတ္တ၀ါ ပြန်လည်နေရာချထားရေးနဲ့ အသိပညာ ဖြန့်ဝေရေးဆိုင်ရာဌာနမှ မြွေသတ္တ၀ါ ကျွမ်းကျင်ပညာရှင် တိုတီဟယ်ရစ်ဆင်ကတော့ ဒေးဗီးစ်ရဲ့အဆိုကို သဘောမတူဘဲ မြွေတွေဟာ အရိုင်းသတ္တ၀ါဖြစ်တဲ့အတွက် တောထဲမှာသာ ရှိနေသင့်ပြီး ခုလိုလုပ်ရပ်ဟာ ထိတ်လန့်စရာဖြစ်တယ်လို့ ပြောလိုက်တာပါ။ ဒေးဗီးစ်ကတော့ “အဲဒီအမျိုးသားနာမည်ကို မမေးလိုက်မိဘူး။ သူဟာ မြွေကို ဖက်ရမ်းနမ်းရှုပ်နေပြီး ကြင်ကြင်နာနာ ဆက်ဆံတယ်။ မြွေကလည်း အလိုက်သင့်ပဲ တုံ့ပြန်တာကို တွေ့ရတယ်။ ခုလိုမျိုး ကျနော် တခါမှ မကြုံဖူးပါဘူး။ ဒါ အံ့သြစရာပဲ” လို့ ပြောပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up