ရန်ကုန်ရေကမ္ဘာ စတင်ဖွင့်လှစ် (ဓာတ်ပုံ)

ရန်ကုန်မြို့ သာကေတမြို့နယ်က အရင် ရှုခင်းသာပန်းခြံကို အဆင့်မြှင့်တင်တည်ဆောက်ခဲ့တဲ့ ရန်ကုန်ရေကမ္ဘာ (Yangon Waterboom) ကို ဖေဖော်ဝါရီလ ၂၈ ရက်နေ့က စတင်ဖွင့်လှစ်လိုက်ပါတယ်။ ရန်ကုန်ရေကမ္ဘာကို ၂၀၁၃ ခုနှစ် စက်တင်ဘာက စတင်တည်ဆောက်ခဲ့ပြီး ရေကစားနည်း၂၀ ကျော်ပါဝင်ပါတယ်။ မြေဧရိယာ ဧက ၁၈ ကျယ်ဝန်းတဲ့ ရန်ကုန်ရေကမ္ဘာမှာ Outbound ဧရိယာ၊ Futsal ကစားကွင်း၊ စားသောက်ဆိုင်၊ Beauty Saloon နဲ့ အမှတ်တရပစ္စည်း အရောင်းဆိုင်တွေလည်း ပါဝင်ပါတယ်။ ဝင်ကြေးအနေနဲ့ တဦးကို ကျပ် ၂၅၀၀၀ သတ်မှတ်ထားပြီး ဖွင့်ပွဲ အထိမ်းအမှတ်အနေနဲ့ ဖေဖော်ဝါရီ ၂၉ ရက်နေ့ကနေ မတ်လ ၂၆ ရက်နေ့အထိ လူကြီး ၁၆၀၀၀ ကျပ် ကလေး ၁၂၀၀၀ ကျပ် လျှော့ချပေးထားပါတယ်။ ရန်ကုန်ရေကမ္ဘာကို မတ် ၂ ရက်နေ့ကစပြီး ပိတ်ရက်မရှိ မနက် ၉ နာရီကနေ ည ၈ နာရီအထိ ဖွင့်လှစ်ထားမှာဖြစ်ပြီး မသန်စွမ်းသူတွေ၊ ကိုယ်ဝန်ဆောင်မိခင်တွေနဲ့ အသက် ၇၀ အထက် သက်ကြီးရွယ်အိုတွေကို ပုံမှန် ဝင်ကြေးရဲ့ ၅၀ ရာခိုင်နှုန်း ဈေးနှုန်းလျော့ချပေးမယ်လို့ သိရပါတယ်။ ရန်ကုန်ရေကမ္ဘာကို UMG Myanmar Group Of Companies ရဲ့ လုပ်ငန်းခွဲတခုဖြစ်တဲ့ Media One ကုမ္ပဏီက တာဝန်ယူ ဆောင်ရွက်ခဲ့တာပါ။ သတင်းဓာတ်ပုံ - အာကာ  

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up