ရေနံအကျပ်အတည်း ဖိလစ်ပိုင်လုပ်သား ၅ သောင်းကို ရိုက်ခတ်

အရှေ့အလယ်ပိုင်းဒေသက စွမ်းအင်အကျပ်အတည်းကြောင့် လာမယ့်မတ်လကျရင် ဆော်ဒီအာရေဗျနိုင်ငံရောက် ဖိလစ်ပိုင်လုပ်သား ၅ သောင်းကျော်အပေါ် ရိုက်ခတ်လိမ့်မယ်လို့ ပြည်ပအလုပ်သမားအခွင့်အရေးကာကွယ်မှုအဖွဲ့က ပြောဆိုကြောင်း မနီလာသတင်းစဉ်က ဖော်ပြပါတယ်။ Migrante-KSA အဖွဲ့ရဲ့ ကနဦးစစ်တမ်းအရ အဓိကသက်ရောက်မယ့် လုပ်သားတွေဟာ ဆောက်လုပ်ရေးနဲ့ စက်မှုလုပ်ငန်းတွေအတွက် ဆော်ဒီအစိုးရက ငှားရမ်းထားတဲ့ အကြီးဆုံးကန်ထရိုက်တာကုမ္ပဏီနှစ်ခု (Saudi Oger Ltd. နဲ့ Bin Laden Co.) က လုပ်သားတွေဖြစ်တယ်လို့ ဆိုပါတယ်။ အစောပိုင်းက နိုင်ငံပိုင် အမျိုးသားရေနံစက်မှုလုပ်ငန်း Saudi Aramco က ဘဏ္ဍာရေးအကျပ်အတည်းကြောင့် အလုပ်သမား ၄ ပုံတပုံကို အနားပေးဖို့ သတိပေးခဲ့ပါတယ်။ ဒီကုမ္ပဏီကြီးနှစ်ခုမှာ လုပ်သူတွေအဖို့ အလုပ်လုပ်ခွင့်လိုင်စင်သက်တမ်း ထပ်တိုးပေးမှာမဟုတ်ကြောင်း၊ လစာငွေကို လအတန်ကြာစောင့်ဆိုင်းရဖို့၊ အလုပ်ချိန်နာရီလျော့ကျဖို့ကိစ္စတွေ မနှစ်ကတည်းက သတိပေးခဲ့တယ်လို့ Migrante အဖွဲ့က ပြောပါတယ်။ အခုအခါမှာ ဆောက်လုပ်ရေးနဲ့ စက်မှုလုပ်ငန်းတွေမှာ ထောင်နဲ့ချီတဲ့လုပ်သမားတွေ အလုပ်လက်မဲ့ဖြစ်ပွားနေပါတယ်။ အလုပ်သမားတွေဟာ အလုပ်သမားနစ်နာမှုတွေအတွက် သက်ဆိုင်ရာကုမ္ပဏီတွေကို တရားစွဲဆိုဖို့ စောင့်ဆိုင်းနေကြပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up