ကသာမြို့နယ်တွင် ဘိန်းဖြူနှင့် စိတ်ကြွဆေးပြားများ ဖမ်းဆီး
DVB
·
January 24, 2016
စစ်ကိုင်းတိုင်းဒေသကြီး ကသာခရိုင် ကသာမြို့နယ် ညောင်ခြေထောက်ကျေးရွာမှာ ကာလတန်ဘိုး သိန်း ၃၀ ကျော်တန်ဘိုးရှိ ဘိန်းဖြူနဲ့ WY စာတန်းပါ စိတ်ကြွရူးသွပ်ဆေးပြား တွေကို ဇန်နဝါရီ ၂၂ ရက်နေ့က ဖမ်းဆီး ရမိခဲ့ပါတယ်။
ကသာ မူးယစ်တပ်ဖွဲ့စု (၆)က သတင်းအရ ကသာမြို့ ၅ ရပ်ကွက်မှာ အိမ်ရှင် ဦးရဲဝင်း အိမ်ကို ရှာဖွေမှုတွေ ပြုလုပ်ရာ အိမ်ရှင်က ထွက်ပြေးလွတ်မြောက်သွားပြီး ၂ ဦးကို မူးယစ်ဆေးဝါးတွေနဲ့အတူ ဖမ်းဆီးရမိခဲ့ပါတယ်။
ဘိန်းဖြူ ၁၀ ဂရမ်လောက် ရှိတဲ့ ဆပ်ပြာခွက် ၁ ခွက် ကာလတန်ဖိုး ကျပ် ၁၀ သိန်း၊ ၁၂ ဂရမ်လောက်ပါတဲ့ အပြာရောင် ဆပ်ပြာခွက် ၁ ခွက် ကာလတန်ဖိုး ၁၂ သိန်းနဲ့ ဒဗလျုဝိုင် စာတန်း စိတ်ကြွဆေး အပြား ၄၀၀ နီးပါးတို့ကို ဖမ်းဆီးရမိခဲ့ပါတယ်။
မူးယစ်ဆေးဝါး လက်ဝယ် တွေ့ရှိသူ တရားခံတွေကို ကသာရဲတပ်ဖွဲ့က အရေးယူ ဆောင်ရွက်နေတယ်လို့ ဒေသခံ သတင်းထောက်က ပြောပါတယ်။
သတင်းဓာတ်ပုံ - နိုင်စိုးလင်း
