တောင်အမေရိကနိုင်ငံအချို့တွင် မိုးသည်းထန်ပြီး နှစ် ၅၀ အတွင်း အဆိုးဆုံးရေလွှမ်းမိုး (ရုပ်သံ)

တောင်အမေရိကနိုင်ငံတွေဖြစ်ကြတဲ့ ပါရာဂွေး၊ အာဂျင်တီးနား၊ ဥရုဂွေးနဲ့ ဘရာဇီးနိုင်ငံတို့မှာ အခုတပတ်အတွင်း မိုးသည်းသည်းထန်ထန်ရွာသွန်းပြီး နှစ်ပေါင်း ၅၀ အတွင်း အဆိုးဆုံး ရေလွှမ်းမိုးမှုနဲ့ ကြုံတွေ့နေရပါတယ်။ အယ်နီညိုကြောင့် ဒီနိုင်ငံတွေမှာ မိုးအကြီးအကျယ် ရွာသွန်းခဲ့ပြီး အဓိကမြစ်ကြီး ၃ စင်း ရေလျှံ ရေလွှမ်းမိုးမှု ဖြစ်ခဲ့တာပါ။ ဒေသခံ ၁ သိန်း ၅ သောင်းကို ရေဘေးလွတ်ရာ ပြောင်းရွှေ့ခဲ့ကြရပြီး လူ ၆ ဦး သေဆုံးတယ်လို့ အာဏာပိုင်တွေက ပြောဆိုပါတယ်။ အဆိုးဆုံးဖြစ်တဲ့ ပါရာဂွေးနိုင်ငံမှာ အရေးပေါ်အခြေအနေ ကြေညာထားပြီး ဒေသခံ ၁ သိန်း ၃ သောင်းကျော် ရေဘေးသင့်ခဲ့တာပါ။ အာဂျင်တီးနားနိုင်ငံ မြောက်ပိုင်းမှာတော့ လူ ၂ သောင်းကျော် အိုးအိမ်စွန့်ခွာခဲ့ကြရပါတယ်။ ဘရာဇီး-ဥရုဂွေး နယ်စပ်ဒေသတွေမှာတော့ မိုးပြတ်တော့မယ်လို့ ဒေသခံ  မိုးလေ၀သဌာနက ကြေညာထားပြီး ပါရာဂွေးနဲ့ အာဂျင်တီးနားနိုင်ငံမှာတော့ ရေဆက်တက်လာဦးမယ်လို့ ခန့်မှန်းထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up