မြိတ်မြို့ အုတ်ဖုတ်လုပ်ငန်းခွင်တခုတွင် ဗုံးသီးဟောင်းများ တွေ့ရှိ
DVB
·
December 10, 2015
တနင်္သာရီတိုင်း မြိတ်မြို့နယ်မှာ အုတ်ဖုတ်ဖို့ ရွှံ့မြေတူးရာကနေ ဗုံးသီးဟောင်းတွေနဲ့ လက်လုပ်သေနတ်တလက် တွေ့ရှိခဲ့ပါတယ်။
မြိတ်မြို့ စန္ဒဝတ်ကျေးရွာအုပ်စု ရွှေပေး ကျေးရွာနဲ့ တမိုင်လောက်အကွာ အုတ်ဖုတ်လုပ်ငန်းခွင်မှာ ဒီဇင်ဘာ ၈ ရက်နေ့က အုတ်ဖုတ်လုပ်သားတွေ အုတ်ဖုတ်ဖို့ သံတူရွင်းနဲ့ ရွှံ့တူးစဉ် ဆာလာအိတ်အဟောင်းတလုံးကို ထိုးမိလို့ တူးဖော်ကြည့်ရာကနေ ဗုံးတွေ တွေ့ရှိခဲ့တာလို့ ပြန်ကြားရေးဝန်ကြီးဌာန ဖေ့စ်ဘွတ်ခ်မှာ ဖော်ပြထားပါတယ်။
နယ်မြေခံတပ်က ဖွင့်ဖောက်စစ်ဆေးခဲ့ရာ ပါကင် အသေး ၁ ထုပ်နှင့် အကြီး ၃ ထုပ် တွေ့ရှိရကြောင်း၊ အဲဒီ အထုပ်တွေထဲမှာ BA81 လက်ပစ်ဗုံးအဟောင်းနှစ်လုံး (စနက်တံမပါ) ၆ဝ မမ (BA82) စိန်ပြောင်းခွင်းဗုံး အလုံး ၂ဝ၊ လုပ် သေနတ်အတိုတစ်လက် (သံချေးတက် ပျက်စီး)၊BA81 လက်ပစ်ဗုံး အဟောင်းနှစ်လုံး (စနက်တံပါ) တွေကို ယမ်းထုပ်တွေနဲ့အတူ တွေ့ရှိခဲ့ကြောင်း သတင်းက ဆိုပတယ်။
