စီးပွားရေးသမား ဖြစ်သွားသည့် ဆီးရီးယား ဒုက္ခသည် (ရုပ်သံ)

သမီးကို ချီပြီး ဘောပင်လိုက်ရောင်းနေတဲ့ ဆီးရီးယား ဒုက္ခသည် တဦးရဲ့ဓာတ်ပုံ လူမှုရေးကွန်ရက်မှာ ပျံ့နှံ့သွားပြီးတဲ့နောက် ၃ လအကြာ ဒီဒုက္ခသည်ဟာ အခုဆိုရင် စီးပွားရေး လုပ်ငန်းရှင် တဦး ဖြစ်သွားပါတယ်။ အသက် ၄ နှစ်အရွယ် သမီးကို ကျွေးမွေးဖို့ အတွက် ဘောပင်လိုက်ရောင်းတဲ့ ပါလက်စတိုင်း ဆီးရီးယား ဒုက္ခသည် အက်ဒူလာဟာလင်အာတာအတွက် စေတနာရှင်တွေက လူမှုရေးကွန်ရက်တွေကနေ တဆင့် ရန်ပုံငွေ ရှာဖွေခဲ့ရာမှာ ၂၄ နာရီအတွင်း ဒေါ်လာ ၁ သိန်းကျော်ရရှိခဲ့ပါတယ်။ စုစုပေါင်း ရန်ပုံငွေ ၂ သိန်းခွဲ နီးပါးရရှိခဲ့ပြီး ဒီရန်ပုံငွေတွေကို အက်ဒူလာဟာလင်ကို ပေးအပ်ခဲ့ရာမှာ သူက စားသောက်ဆိုင်တဆိုင်ဖွင့်ခဲ့ပါတယ်။ ဒီဆိုင်မှာ ဆီးရီးယား ဒုက္ခသည် ၁၆ ဦးဟာလည်း အလုပ်လုပ်ကိုင်နေပါတယ်။ သူရဲ့ သမီးဟာလည်း ကျန်းမာပျော်ရွှင်စွာရှိနေသလို အသက် ၉ နှစ် အရွယ် သားကလည်း ကျောင်းပြန်တက်နေပြီ ဖြစ်ပါတယ်။ ဆီးရီးယား ပြည်တွင်းစစ်မဖြစ်ပွားခင်က ချောကလက် စက်ရုံအလုပ်သမား အက်ဒူလာဟာ ဒါမားစကတ်က ဒုက္ခသည်စခန်းမှာ နေထိုင်ခဲ့တာ ဖြစ်ပြီး လက်ဘနွန်ကို ပြောင်းလာတာ ဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up