လိဂ်ဖလား ဆီမီးဖိုင်နယ် ပွဲစဉ်များ ထွက်ပေါ်

Published By DVB | 3 December, 2015

1.5K

လိဂ်ဖလား ဆီမီးဖိုင်နယ်ပွဲစဉ်တွေ ထွက်ပေါ်လာရာမှာ မန်ချက်စတာစီးတီးက အဲဗာတန်၊ လီဗာပူးက စတုတ်စီးတီးနဲ့ ယှဉ်ပြိုင်ရမှာ ဖြစ်ပါတယ်။ အဲဗာတန်အသင်းက လိဂ်ဖလား ဆီမီးဖိုင်နယ် ပထမအကျော့ ပွဲစဉ်အဖြစ် အိမ်ကွင်းမှာ မန်စီးတီးကို လက်ခံယှဉ်ပြိုင်ရမှာပါ။ စတုတ်စီးတီးကလည်း ဆီမီးပထမအကျော့ကို အိမ်ကွင်းမှာ လီဗာပူးနဲ့ ကစားရမှာပါ။ လိဂ်ဖလား ဆီမီးဖိုင်နယ် ပထမအကျော့ပွဲစဉ်တွေကို လာမယ့်နှစ် ဇန်န၀ါရီ ၅ ရက်နဲ့ ၆ ရက်နေ့တွေမှာ စတင်ယှဉ်ပြိုင်ရမှာ ဖြစ်ပါတယ်။ လိဂ်ဖလားပြိုင်ပွဲရဲ့ လက်ရှိချန်ပီယံက ချဲလ်ဆီးအသင်း ဖြစ်ပေမယ့် ပြိုင်ပွဲကနေ စောစောစီးစီး နုတ်ဆက်သွားရပါတယ်။ လိဂ်ဖလားပြိုင်ပွဲမှာ လီဗာပူးအသင်းက အအောင်မြင်ဆုံးဖြစ်ပြီး ချန်ပီယံဆု ၈ ကြိမ် ရရှိထားပါတယ်။

A d v e r t i s e m e n t With Us