ဟွန်ဒူးရပ်စ်တွင် အရပ်သားပို့ဆောင်ရေးလုပ်သား ၈ ဦး သေနတ်ဖြင့် ပစ်သတ်ခံရ (ရုပ်သံ)

ဟွန်ဒူးရပ်စ်နိုင်ငံမြောက်ပိုင်းမှာ နိုဝင်ဘာ ၂၄ ရက်နေ့က အရပ်သား ပို့ဆောင်ရေးဝန်ထမ်း ၈ ဦး သေနတ်နဲ့ ပစ်သတ်ခံခဲ့ရတယ်လို့ သက်ဆိုင်ရာ တာဝန်ရှိသူတွေက သတင်းထုတ်ပြန်ပါတယ်။ သေနတ်နဲ့ပစ်သတ်ခံရတဲ့ လူတွေရဲ့ အလောင်းတွေကို ခိုလိုမာမြို့အနီး ဘတ်စ်ကားမှတ်တိုင်မှာ တွေ့ရှိရတာဖြစ်ပြီး လူဆိုးဂိုဏ်းတွေ ပြစ်မှုကျူးလွန်လေ့ရှိတဲ့ ထင်ရှားတဲ့ နေရာတခု မဟုတ်ဘူးလို့ အဲဒီသတင်းထုတ်ပြန်ချက်မှာ ဖော်ပြပါတယ်။ အဲဒီတိုက်ခိုက်မှုမှာ တခြားလူ ၂ ဦးလည်း ထိခိုက်ဒဏ်ရာရရှိခဲ့ပြီး သက်ဆိုင်ရာ တာဝန်ရှိသူတွေက ပြစ်မှုကျူးလွန်တဲ့ တရားခံကို ဦးဆောင်ရှာဖွေနေကြတာပါ။ ရမ်မွန်ပါလ်မာအမည်ရ အမျိုးသားတဦးက အဲဒီအခင်းဖြစ်တဲ့နေရာမှာ ယောက်ဖဖြစ်သူကို ရှာဖွေဖို့ ရောက်လာခဲ့တာပါ။ သူက “ကျနော်ရောက်ပြီး ၂ မိနစ် ၃ မိနစ်အတွင်းမှာ သူတို့သေနေတာကို တွေ့ခဲ့တယ်။ သူ (ယောက်ဖဖြစ်သူ) ဟာ သယ်ယူပို့ဆောင်ရေးလုပ်ငန်းက ဒရိုင်ဘာတယောက်ပါ။ သုံးလေးငါးရက်လောက် သူအလုပ်မလုပ်ဘဲ ရှိနေရာကနေ ခု ဒီကိုလာရင်း ခုလိုဖြစ်ခဲ့တာ” လို့ သတင်းထောက်တွေကို ပြောပါတယ်။ ဟွန်ဒူးရပ်စ်နိုင်ငံဟာ ကမ္ဘာ့အန္တရာယ်အများဆုံး နိုင်ငံတွေထဲမှာ တခုအပါအ၀င် ဖြစ်ပါတယ်။ ဟွန်ဒူးရပ်စ် အမျိုးသားတက္ကသိုလ် အကြမ်းဖက်မှု လေ့လာစောင့်ကြည့်ရေး အစီအစဉ် ထုတ်ပြန်ချက်အရ နိုင်ငံတွင်းလူဦးရေ ၁ သိန်းမှာ ၆၈ ယောက်နှုန်း အသတ်ခံနေရတာလို့ ဆိုပါတယ်။ အဲဒီကိန်းဂဏန်းဟာ တိုးတက်မှုတခုဖြစ်ပြီး ၁၉၉၂ ခုနှစ်မှာ ထုတ်ပြန်တဲ့ ကုလသမဂ္ဂ အစီရင်ခံစာမှာတော့ လူဦးရေ ၁ သိန်းမှာ ၉၀ ဟာ အသတ်ခံနေခဲ့ရတာပါ။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up