ကချင်ပြည်နယ် ဖားကန့်ဒေသမှာ ကျောက်မျက်တူး ကုမ္ပဏီတွေက စွန့်ပစ်ထားတဲ့ မြေစာပုံပြိုကျမှုအတွင်း သေဆုံးသူ ၉၀  ကျော်ရှိထိထပ်တိုးလာပြီး ပျောက်ဆုံးနေသူတွေကို ဆက်လက်ရှာဖွေနေပါတယ်။ နိုဝင်ဘာ ၂၂ ရက်နေ့ မွန်းတည့် ၁၂ နာရီထိ  သေဆုံးသူ ၉၁ ဦးရှိသွားပြီလို့ ဖားကန့်မြို့နယ် အထွေထွေ အုပ်ချုပ်ရေး ဦးစီးဌာန   ဒု ဦးစီးမှူး  ဒေါ်နီလာမြင့် က ဒီဗွီဘီကို ပြောပါတယ်။ “မနေ့က ည ၈ နာရီ ၁၅ မိနစ်အချိန်အထိ ရှာတာ ၇၉ ဦးတွေ့တယ်။ တဦးက ဆေးရုံရောက်မှသေတာ အလောင်းကတော့ ၇၈ လောင်းရတယ်။ ဒီနေ့မနက်တော့ ၇ နာရီ ကစပြီးရှာဖွေမှုပြန်လုပ်တော့ နေ့လယ် ၁၂ နာရီထိကို ၁၂ လောင်းထပ်ရတယ်။ ခုတော့ ထမင်းစားနားပြီ ပြန်ဆက်ရှာနေကြတယ်။” နိုဝင်ဘာ ၂၁ ရက်နေ့ မနက် ၃ နာရီလောက်က ဖားကန့်မြို့ကနေ ဆယ်မိုင်ခန့်အကွာ လုံးခင်းကျေးရွာနဲ့ ဆိပ်မူကျေးရွာ အကြား မြေစာပုံ ပြိုကျခဲ့တာဖြစ်ပြီး တဲအလုံး ၇၀ ကျော် ၈၀ လောက်ပါသွားပါတယ်။ တဲတလုံးမှာ လူ ၃ ဦးကနေ ၆ ဦးလောက်အထိ နေထိုင်နိုင်တယ်လို့ ခန့်မှန်းရတဲ့ အတွက် အသေအပျောက် အရေအတွက် တိုးလာဖွယ်ရှိနေပါတယ်။ ဖားကန့်  အုပ်ချုပ်ရေးပိုင်းဆိုင်ရာ တာဝန်ရှိသူတွေ၊ ရဲတပ်ဖွဲ့ဝင်တွေ၊  ဖားကန့် အခြေစိုက် စစ်တပ်က တပ်မမှူး နဲ့ တပ်ဖွဲ့ဝင်တွေကလည်း ပျောက်ဆုံးနေသူတွေကို ရှာဖွေရာမှာ ကူညီပေးနေပါတယ်။   ဓာတ်ပုံ - ဇော်မိုးထက်