ပြင်သစ်နိုင်ငံ၊ ပါရီမြို့တော်မြောက်ပိုင်းမှာ နိုဝင်ဘာလ ၁၃ ရက်နေ့က တိုက်ခိုက်မှုတွေနဲ့ ဆက်စပ်သူတဦးကို ရှာဖွေနေတဲ့ ပြင်သစ်အထူးတပ်ဖွဲ့တွေနဲ့ သေနတ်သမားတို့ အပြင်းအထန် ပစ်ခတ်နေကြတယ်လို့ ပြင်သစ်အာဏာပိုင်တွေက ပြောပါတယ်။
ပါရီမြို့တော်မြောက်ဘက် Saint Denis အရပ်မှာ မနက် ၄ နာရီခွဲလောက်ကစပြီး အပြင်းအထန် ပစ်ခတ်သံတွေကို ကြားရတယ်လို့ မျက်မြင်တွေရဲ့ ပြောဆိုမှုကို ကိုးကားပြီး ပြင်သစ်ရုပ်သံ သတင်းတွေမှာ ဖော်ပြပါတယ်။
ပစ်ခတ်မှုအတွင်း ပြင်သစ်လုံခြုံရေး တပ်ဖွဲ့ဝင်တချို့ ဒဏ်ရာရရှိတယ်လို့လည်း ဆိုပါတယ်။
ပစ်ခတ်မှုတွေဖြစ်ပွားနေတဲ့နေရာဟာ အသေခံဗုံးခွဲသူ ၃ ဦး နိုဝင်ဘာလ ၁၃ ရက်နေ့က ဗုံးဖောက်ခွဲတိုက်ခိုက်ခဲ့တဲ့ ဘောလုံးကွင်းအနီးမှာလို့ ဆိုပါတယ်။
နိုဝင်ဘာ ၁၃ ရက်နေ့က ပါရီမြို့တော် တိုက်ခိုက်မှုတွေအတွင်း လူအားလုံး ၁၂၉ ဦး သေဆုံးသွားပြီး တိုက်ခိုက်မှုတွေကို အိုင်အက်စ်အကြမ်းဖက်တွေက လုပ်ဆောင်တာလို့ တာဝန်ခံပြောဆိုထားပါတယ်။
တိုက်ခိုက်သူအကြမ်းဖက် ၇ ဦးကတော့ တိုက်ခိုက်ချိန်မှာပဲ သေဆုံးခဲ့ပြီး ၂ ဦးကတော့ လွတ်မြောက်နေဆဲဖြစ်တယ်လို့ ပြင်သစ်လုံခြုံရေးသတင်းရင်းမြစ်တွေက ဆိုပါတယ်။
