ဧရာဝတီတိုင်းဒေသကြီးတွင် အန်အယ်လ်ဒီပါတီ ၉၆ ရာခိုင်နှုန်းကျော် အနိုင်ရနေ
DVB
·
November 9, 2015
ရွေးကောက်ပွဲမှာ အမျိုးသားဒီမိုကရေစီအဖွဲ့ချုပ်က ဧရာဝတီတိုင်းဒေသကြီးမှာ ဝင်ရောက်ရွေးချယ်ခံတဲ့ ကိုယ်စားလှယ်လောင်းတွေရဲ့ မဲရလဒ်အနေနဲ့ မဲဆန္ဒနယ်မြေ ၉၂ နေရာမှာ ၈၉ နေရာနဲ့ ဦးဆောင်နေပါတယ်။
အခု အနိုင်ရသွားတဲ့ နေရာတွေထဲမှာ ဧရာဝတီတိုင်းဒေသကြီး ဝန်ကြီးချုပ် ဦးသိန်းအောင် အနိုင်ရမယ်လို့ ကြွေးကြော်ထားတဲ့ အင်္ဂပူ မဲဆန္ဒနယ်လည်း ပါဝင်နေပါတယ်။
အခုလိုပြောနိုင်တာဟာ မဲဆန္ဒနယ်တွေမှာ မဲပေးပိုင်ခွင့်ရှိသူတွေရဲ့ ဆန္ဒမဲပေးမှု ထက်ဝက်ကျော်လောက် ရရှိထားလို့ ပြောနိုင်တာဖြစ်ပြီး မကြာခင် စာရင်းအသေးစိတ် ဖော်ပြပေးသွားမယ်လို့ အန်အယ်လ်ဒီပါတီ ဧရာဝတီတိုင်းဒေသကြီး ဥက္ကဋ္ဌ ဒေါက်တာမျိုးညွန့်က ပြောပါတယ်။
ဧရာဝတီတိုင်းဒေသကြီး အန်အယ်လ်ဒီပါတီအနေနဲ့ လက်ရှိအချိန်ထိ ပြည်သူ့လွှတ်တော်မှာ ၂၆ နေရာ၊ တိုင်းဒေသကြီးလွှတ်တော်အမှတ် ၁ မှာ ၂၅ နေရာ၊ တိုင်းဒေသကြီးလွှတ်တော် အမှတ် ၂ မှာ ၂၆ နေရာ၊ အမျိုးသားလွှတ်တော်မှာ ၁၂ နေရာ အနိုင်ရခဲ့တာ ဖြစ်ပါတယ်။
လက်ရှိချိန်ထိ ငပုတောမြို့နယ် တိုင်းဒေသကြီးလွှတ်တော် မဲဆန္ဒနယ်မြေ အမှတ် ၁ ကရင်တိုင်းရင်းသား၊ ရခိုင်တိုင်းရင်းသား မဲဆန္ဒနယ်မြေတွေ ကျန်ရှိနေသေးတာ ဖြစ်ပါတယ်။
ဧရာဝတီတိုင်းဒေသကြီးမှာ မြို့နယ်ပေါင်း ၂၆ မြို့နယ်ရှိပါတယ်။
ကိုငြိမ်းသူ