ဘင်္ဂလားဒေ့ရ်ှတွင် ခေါင်းတလားများဖြင့် ဆန္ဒပြ (ရုပ်သံ)

ခေါင်းတလားတွေကို သယ်ဆောင်ထားတဲ့ ဆန္ဒပြသူတွေ ဘင်္ဂလားဒေ့ရ်ှနိုင်ငံရဲ့ မြို့တော် ဒါကာမှာ ပြီးခဲ့တဲ့ နိုဝင်ဘာ ၅ ရက်နေ့က ချီတက် ဆန္ဒပြနေတာပါ။ အင်တာနက်စာမျက်နှာ ဘလော့ပေါ်မှာ စာရေးသူ ဘလော့ဂါတွေ နိုင်ငံတွင်း အသတ်ခံရမှုကို ဆန့်ကျင် ဆန္ဒပြတာ ဖြစ်ပါတယ်။ ဆန္ဒပြပွဲကို ပြည်သူ့နိုးကြားရေး စင်္ကြန် အုပ်စုလို့ သိကြတဲ့ Ganojagoron Mancha အုပ်စုက ဆော်သြခဲ့တာပါ။ လွတ်လပ်စွာ တွေးခေါ်ခွင့်ကို ကာကွယ်ရေး တောင်းဆိုဖို့ ဘင်္ဂလားဒေ့ရှ် တနိုင်ငံလုံးမှာ ၆ နာရီကြာ ဆန္ဒပြပွဲတွေကို ဒီသတင်းပတ်အတွင်း စီစဉ်ခဲ့ကြပါတယ်။ နိုဝင်ဘာ ၅ ရက်နေ့ ဆန္ဒပြပွဲမှာတော့ ခေါင်းတလားတွေကို နိုင်ငံတော်အလံတွေ ဖုံးအုပ်ရင်း ပြည်ထဲရေးဝန်ကြီးဌာနဆီ ချီတက်ခဲ့ကြတာပါ။ လတ်တလောနှစ်တွေအတွင်း ဘင်္ဂလားဒေ့ရ်ှနိုင်ငံက စစ်သွေးကြွတွေဟာ လောကီ သီးသန့်ဝါဒီ စာရေးသူတွေကို ပစ်မှတ်ထားခဲ့ကြပါတယ်။ အစ္စလာမ္မစ်အုပ်စုတွေဟာ လူဦးရေ သန်း ၁၆၀ ရှိတဲ့ ဘင်္ဂလားဒေ့ရ်ှနိုင်ငံကို အစ္စလာမ်ဘာသာရဲ့ တင်းကြပ်တဲ့ ရှရီးယားဥပဒေနဲ့ အုပ်ချုပ်စေချင်ကြတာပါ။ အစ္စလာမ်စစ်သွေးကြွတွေကို ဝေဖန်ချက် ရေးခဲ့လို့ ဒီနှစ်ထဲမှာ လောကီသီးသန့်ဝါဒီ ဘလော့ဂါ ၄ ယောက် အသေခုတ်သတ် ခံခဲ့ရပါတယ်။ ဘလော့ဂါ နီလွိုင် ချတ်တာဂျီး အသတ်ခံရအပြီး ပြီးခဲ့တဲ့ သြဂုတ်လက ဗြိတိန်နိုင်ငံသား တယောက် အပါအဝင် အယ်လ်ကေဒါတွေကို လေးစားတဲ့ အုပ်စုဖြစ်တဲ့ အန်စာရူလာ ဘန်းဂ်လာ အဖွဲ့က အဖွဲ့ဝင် ၁၅ ယောက်ကို အာဏာပိုင်တွေက ဖမ်းခဲ့ပါတယ်။ မြို့တော် ဒါကာက  ရှီးယားဗလီ ဗုံးခွဲ ခံရတာနဲ့ နိုင်ငံခြားသား ၂ ယောက် အသေပစ်ခတ် ခံရတာတွေ အပါအဝင် တိုက်ခိုက်မှုတွေကြောင့် ဘင်္ဂလားဒေ့ရ်ှနိုင်ငံတွင်း တုန်လှုပ်ခဲ့ကြ ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up