သူတို့ မညစ်ရင် အန်အယ်လ်ဒီ နိုင်မယ်

“ရိုက်နှက်ဆုံးမခံရဦး၊ အမေရိုက်ရင် ကရုဏာလက်နဲ့ ရိုက်တာမို့ အဖေရိုက်တာ လောက်တော့ နာမှာမဟုတ်ဘူးဆိုတဲ့စကား ကျေးရွာအုပ်စု လူထုကြား  ကြားနေရတယ်” နေပြည်တော်ကောင်စီနယ်မြေ၊ ဇေယျာသီရိမြို့နယ်၊ ရွာသစ်ကြီးကျေးရွာသား တောင်သူ တယောက် ပြောခဲ့တဲ့ စကားတခွန်း ဖြစ်တယ်။ ဇေယျာသီရိမြို့နယ်၊ အဖွဲ့ချုပ် ပြည်သူ့လွှတ်တော် ကိုယ်စားလှယ်လောင်း ဒေါ်ခင်မျိုးသွင်ရဲ့ မဲဆွယ်စည်းရုံးရေး ဟောပြောနေသံကြောင့် သူပြောတဲ့ စကား နားနားကပ်ပြီး နားထောင်ရတယ်။ အောက်တိုဘာလကုန်ပိုင်းရောက်ပြီး ရွေးကောက်ပွဲလုပ်ဖို့ တပတ်ဆယ်ရက်လောက်ပဲ လိုတော့တဲ့အချိန် ရွေးကောက်ပွဲဝင်မယ့် ကိုယ်စားလှယ်လောင်းတွေ ထမင်းတရွတ်တိုက်စားပြီး မဲဆွယ်နေကြရတယ်။ အသက် ၄၀ ကျော်ခါစရှိသေးတဲ့ ၀၀ပုပု ဒေါ်ခင်မျိုးသွင်က ကိုယ်လုပ်မှ ကိုယ်စားရတာဆိုတဲ့ စကားအပေါ် အလေးအနက်ထားပြီး ရှင်းပြပြောနေတယ်။ “ကျမတို့ အပြောင်းအလဲလုပ်ချင်တယ်၊ မေးကြတယ်၊ မင်းတို့မှာ အပြောင်းအလဲလုပ်ဖို့ ခေါင်းဆောင်ရှိရဲ့လားလို့ မေးစရာရှိပါတယ်၊ ကျမတို့မှာ ခေါင်းဆောင်ကောင်း ရှိပါတယ်၊ လွတ်လပ်ရေးဖခင်ကြီး ဗိုလ်ချုပ်အောင်ဆန်းရဲ့သမီး အမေ ဒေါ်အောင်ဆန်းစုကြည် ဖြစ်ပါတယ်၊ အမေ ဒေါ်အောင်ဆန်းစုကြည်ဟာ မြန်မာပြည်သူလူထုရဲ့ ကိုယ်စားသာ မကပါဘူး၊ ကမ္ဘာ့ပြည်သူလူထုကြီးရဲ့ကိုယ်စား ဖြစ်ပါတယ်၊ နောက်တခု မြန်မာပြည်မယ် ကိုယ်လုပ်မှ ကိုယ်စားရတာလို့ ပြောကြတယ်၊ မှန်ပါတယ်၊ ကိုယ်လုပ်မှ ကိုယ်စားရတာ၊ ဒါပေမယ့် ကိုယ်လုပ်မှ ကိုယ်စားရတဲ့ထဲမှာ ပြည့်ပြည့်၀၀ စားရရဲ့လားဆိုတာ သေချာ စဉ်စားကြည့်စေချင်ပါတယ်။” ဟောပြောနေတဲ့သူစကား နားစွင့်ရင်း ဟောပြောပွဲ တက်လာသူတွေဘက် တချက် အကဲခတ်ကြည့်မိတော့ အမျိုးသမီးအများစုက စိတ်အားထက်ထက်သန်သန် ရှိလှတာ တွေ့ရတယ်။ ပရိသတ် ၁၀၀ လောက်ထဲမှာလည်း အမျိုးသမီးအရေအတွက်က များတယ်။ ရွာခံလူကြီးတချို့နဲ့ စကားစမြည် ပြောကြည့်တော့ ရွာသစ်ကြီးရွာမှာ တောင်သူအများစု နေထိုင်ပြီး တောင်ယာလုပ်ကြတယ်၊ အိမ်ခြေ ၃၀၀ ကျော်ရှိပြီး မဲပေးနိုင်တဲ့သူ ၁၃၀၀ လောက် ရှိတယ်၊ သူတို့ဘက် အကြိတ်အနယ်ပြိုင်ရမယ့် ပါတီ ၂ ခုက တခြားမြို့နယ်တွေလိုပဲ အဖွဲ့ချုပ်နဲ့ ကြံ့ခိုင်ရေး၊ ရွာလူထုက နှစ်ဘက်စလုံးရဲ့ ဟောပြောပွဲ တက်နားထောင်ကြတယ်၊ အရင်က ကြံ့ခိုင်ရေးနယ်မြေလို ဖြစ်နေပေမယ့် အခု အဖွဲ့ချုပ်က မဲဆွယ်စည်းရုံးရေး ဆင်းလာတော့ အဖွဲ့ချုပ်ပြောတဲ့ ပြောင်းချိန်တန်ပြီဆိုတဲ့ စကားနဲ့ အဓိပ္ပါယ်သိလာတယ်၊ တချို့လည်း ဇဝေဇ၀ါဖြစ်နေတုန်း၊ ဒီလိုကြားသိတယ်။ အဖွဲ့ချုပ်ကိုယ်စားလှယ်လောင်း အောင်နိုင်ရေး အဖွဲ့ဝင်တွေ အဆိုအရတော့ ဇေယျာသီရိမြို့နယ်မှာ ရပ်ကွက် ၄ ခုနဲ့ ကျေးရွာပေါင်း ၆၈ ရွာရှိတယ်၊ ရပ်ကွက် ၂ ခုက စစ်တပ်နဲ့ မိသားစုနေတယ်၊ မဲပေးနိုင်သူ ၇၀၀၀၀ ကျော်မှာ တပ်မဲက ၂၀၀၀၀ လောက်ရှိတယ်၊ အဖွဲ့ချုပ် မဲဆွယ်ဖို့ ၀င်မရတဲ့ရွာ ၂ ခုရှိပြီး အဲ့ဒီရွာတွေက ပရဟိတအဖွဲ့တွေကို အမျိုးဘာသာအဖွဲ့တွေက ထိန်းချုပ်ထားတယ်၊ ဒီလိုတွေဖြစ်ပြီး ကြံ့ခိုင်ရေးပါတီ ကိုယ်စားလှယ်လောင်းက  အဖွဲ့ချုပ်ကိုယ်စားလှယ်လောင်းကို တောက်ထုတ်လိုက်လို့ရတယ်လို့ အခုနောက်ပိုင်း ပုတ်ခတ်ပြောဆိုလာတယ်၊ သူတို့မှာ အပိုင်မဲတွေရှိတယ်လို့ ထုတ်ပြောလာတယ်ဆိုတာလည်း မသက်မသာ ကြားရတယ်။ အပိုင်မဲဆိုတာ ခုမှ ကြားရပြီး ကိုယ့်အတွက် အသစ်ဖြစ်နေတယ်၊ နေပြည်တော်ရောက်မှ ကြားရတဲ့ စကားတခွန်းဖြစ်ပြီး ဒီစကားကို ပြောတဲ့သူတွေကလည်း မကြာသေးခင်ကမှ စစ်တပ်က ကမန်းကတန်း အငြိမ်းစားယူပြီး ဖုတ်ပူမီးတိုက် ရွေးကောက်ပွဲဝင်ဖို့ လုပ်ခဲ့ကြသူတွေ ဖြစ်နေပြန်တယ်၊ သြော် ခုထိ ပြောထွက်ကြတုန်း၊ အပိုင်မဲတဲ့၊ ၂၀၁၀ ရွေးကောက်ပွဲတုန်းကလည်း ကြိုတင်မဲဆိုတာတွေနဲ့ ကျော်မကောင်း ကြားမကောင်း ဖြစ်ခဲ့ပြီးပြီ၊ အခုလည်း အပိုင်မဲဆိုတာ လာပြန်ချေပြီ၊ ပြောထွက်တဲ့ ကာယကံရှင်တွေနဲ့တွေ့မှ မေးကြည့်ရဦးမယ်၊ အပိုင်မဲတွေနဲ့ အပိုင်တိုင်းပြည် ထူထောင်ဦးမှာလားဗျာ။ နေပြည်တော်တခွင် ပြဲပြဲစင်အောင် သွားလာရင်း တွေ့ထိမိသမျှ ကားသမား၊ ဆိုက်ကယ်ကယ်ရီ၊ ဈေးသည်၊ ဂျာနယ်လက်ပွေ့ရောင်းတဲ့သူ၊ ရွှေဆိုင်ပိုင်ရှင်၊ ရွာဦးကျောင်းဘုန်းကြီး၊ အန်အယ်လ်ဒီ ကိုယ်စားလှယ်လောင်း စတဲ့စတဲ့သူတွေကို ရွေးကောက်ပွဲ ဘယ်သူနိုင်မလဲ မေးစမ်းကြည့်တော့ အဖြေက တခုပဲထွက်တယ်။ သူတို့မညစ်ရင်၊ မဲမခိုးရင် အန်အယ်လ်ဒီပဲ နိုင်မယ်တဲ့။ တနိုင်ငံလုံးအနှံ့ ဖြန့်ဝေနေတဲ့ သတင်းစာ ဂျာနယ်တွေ ဖတ်ကြည့်လိုက်ရင်လည်း အစိုးရသတင်းစာနှစ်စောင် စိမ်းနေတာကလွဲလို့ ကျန်သတင်းစာ ဂျာနယ်တွေ ရဲရဲတောက်နေတာ တွေ့မြင်ဖတ်ရှုနေရတယ်။ ဒီကြားထဲ ထူးထူးခြားခြားဖတ်ရတဲ့ သတင်းတပုဒ်က သမ္မတ ဦးသိန်းစိန် အမေရိကန်ရုပ်သံ သတင်းဌာနတခုကို ပြောလိုက်တဲ့ သတင်းဖြစ်တယ်။ ဘယ်ပါတီအနိုင်ရရ အာဏာကို ငြိမ်းချမ်းစွာ လွှဲပြောင်းပေးမယ်လို့ သမ္မတက ပြောလိုက်တာပါ။ ၁၉၉၀ တုန်းက ဗိုလ်ချုပ်ကြီးစောမောင် ပြောခဲ့တဲ့ ရွေးကောက်ပွဲပြီးရင် စစ်တပ်က ဘားတိုက်ပြန်မှာဆိုတဲ့စကား ပြေးပြီး ကြားယောင်မိတယ်။ စစ်ဗိုလ်ချုပ်တွေ ဒီတကြိမ် စကားတည်မှာလား၊ မယုံတ၀က် ယုံတ၀က်နဲ့ စောင့်ကြည့်လိုက်ဦးမယ်၊ လူထုကတော့ ပြောနေပြီ၊ သူတို့မညစ်ရင် အန်အယ်လ်ဒီပဲ နိုင်မယ်တဲ့။ ကိုရွှေအောင်

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up