အတ္တလန်တစ်ဆိုလာ လေယာဉ်ဟာ ကမ္ဘာ့စံချိန်ချိုးထားပြီးသားပါ။ ဒါပေမယ့် ဒီမောင်းသူမဲ့ လေယာဉ်ဟာ စိန်ခေါ်မှုအသစ်အတွက် အသင့်ဖြစ်နေပါပြီ။ ETH Zurich(ဇူးရစ်)တက္ကသိုလ်မှ ကျောင်းသား တစ်ဦးက လာမယ့်သီတင်းပတ်မှာ ဒီလေယာဉ်ကို အမေဇုန်မိုးသစ်တောပေါ်ဖြတ်ပြီး ပျံသန်းစေမှာ ဖြစ်ပါတယ်။ "ဆိုလာပါဝါနဲ့တင် ကီလိုမီတာ ၄၀၀ ကျော်ကို မနားတမ်း အလိုအလျောက်ပျံသန်းမှာပါ။ ဒီတစ်ခေါက် အမေဇုန်မိုးသစ်တောပေါ်ဖြတ်ပျံရင်းနဲ့ ကမ္ဘာ့လေထုနဲ့ပတ်သက်တဲ့ဒေတာတွေကိုမှတ်တမ်းတင်ရင်း မြေပုံပါထုတ်သွားမှာပါ" ဇူးရစ်တက္ကသိုလ်ကျောင်းသား Philipp Oettershagenu က ပြောပါတယ်။ ဆိုလာမော်ဂျူးတွေက နေ့အခါမှာ စွမ်းအင်သိပ်သည်းဆမြင့် ဘက်ထရီတွေကို အားသွင်းပေးမှာမို့ ညလုံးပေါက်ပျံသန်းနိုင်စေမှာပါ။ ဒီလေယာဉ်ဟာ ဇူလိုင်လတုန်းက ၈၁ နာရီ မနားတမ်းပျံသန်းပြီး အလေးချိန် ကီလို (၅၀) အောက် လေယာဉ်တွေထဲမှာ ပျံသန်းချိန်အကြာဆုံးလေယာဉ်အဖြစ် ကမ္ဘာ့စံချိန်ချိုးနိုင်ခဲ့ပါတယ်။ ဆိုလာလေယာဉ်တွေထဲမှာ တတိယအဝေးဆုံး ပျံသန်းနိုင်တဲ့ လေယာဉ်ဖြစ်သလို မောင်းသူပါလေယာဉ်နဲ့ မောင်းသူမဲ့လေယာဉ်တွေထဲမှာ ပဉ္စမအဝေးဆုံးပျံသန်းနိုင်တဲ့ လေယာဉ်အဖြစ် စံချိန်ချိုးခဲ့ပါတယ်။ အခုတော့ ပျံသန်းချိန်တိုးအောင် အဆင့်မြှင့်ထားတာမို့ အနာဂတ်မော်ဒယ်တွေကို ရှာဖွေကယ်ဆယ်ရေးလုပ်ငန်းတွေမှာ အသုံးချနိုင်တော့မယ်လို့ ဆိုပါတယ်။ "ကျနော်တို့လိုချင်တာက မနားတမ်းအကြာဆုံး ပျံသန်းနိုင်တာကိုပါ။ ဒီလိုအကြာဆုံးပျံသန်းနေတဲ့ လမ်းတလျှောက်က မြေပြင်ကို မြေပုံထုတ်နိုင်ဖို့ လိုပါတယ်။ ဒါမှ ကယ်ဆယ်ရေး ၀န်ထမ်းတွေကို နောက်ဆုံးရ ကောင်းကင်ဓာတ်ပုံတွေ ပံ့ပိုးပေးနိုင်မှာပါ။ "ဥပမာ တလောက လေယာဉ်တစ်စီး ပင်လယ်ထဲကိုပျက်ကျပြီး ပျောက်သွားတယ်။ တွေးကြည့်လေ။ အစီးရေ (၅၀) အစီးရေ (၁၀၀) လောက်ပါတဲ့ ဒီလိုအသေးစားလေယာဉ်အုပ်နဲ့သာဆိုရင် ပင်လယ်ပြင် အကျယ်ကြီး ဖြန့်ရှာနိုင်မှာလေ။ ပင်လယ်ပြင်ဆီမောင်းသွားပြီး ဓာတ်ပုံတွေရိုက်ယူမယ်။ ပြီးရင် ဓာတ်ပုံတွေကို သရုပ်ခွဲမယ်။ ပျောက်သွားတဲ့လေယာဉ်နဲ့ ခရီးသည်တွေကို ရှာမယ်။ ဒါပဲလေ။" ၆.၈ ကီလိုဂရမ်အလေးချိန်ရှိတဲ့ မူသေတောင်ပံပါ ဒီလေယာဉ်မှာ ကင်မရာတွေ ကမ္ဘာ့လေထုအာရုံခံ ဆင်ဆာတွေကို တပ်ဆင်သွားမှာပါ။ သူတို့ ၅ ယောက်အဖွဲ့က အတ္တလန်တစ်ဆိုလာ လေယာဉ်ကို ဘရာဇီးနိုင်ငံမြို့တော် ဘဲလမ်းကနေ စတင်ပျံသန်းစေမှာဖြစ်ပါတယ်။