ယူရိုပါလိဂ်ပွဲစဉ် အိမ်ကွင်းတွင် သရေရလဒ်သာ ယူနိုင်သည့် လီဗာပူး (ရုပ်သံဟိုက်လိုက်)

ယူရိုပါလိဂ်ပွဲစဉ်အဖြစ် လီဗာပူးအသင်းဟာ ရူဘင်ကာဇန်အသင်းနဲ့ အောက်တိုဘာ ၂၂ ရက်ညက ယှဉ်ပြိုင်ကစားခဲ့ပြီး တဘက် ၁ ဂိုးစီ သရေကျသွားခဲ့ပါတယ်။ လီဗာပူးအသင်းဟာ အိမ်ကွင်းမှာ ကစားခဲ့ရပေမယ့် အဖွင့်ဂိုးကိုတော့ ရူဘင်ကာဇန်က ရရှိသွားပြီး ပွဲချိန် ၁၅ မိနစ်မှာ မာကို ဒီဗစ် (Marko Devic) က သွင်းယူသွားခဲ့တာပါ။ လီဗာပူးအတွက် ချေပဂိုးကိုတော့ ၃၇ မိနစ်မှာ အမ်မရီ ကန် (Emre Can) က သွင်းယူပေးခဲ့ပါတယ်။ ကျန်ပွဲချိန်တွေမှာတော့ တဘက်နဲ့တဘက် ဂိုးထပ်မသွင်းနိုင်တော့ဘဲ ၁ ဂိုးစီ သရေရလဒ်နဲ့ ပွဲပြီးသွားပါတယ်။ လီဗာပူးအသင်းအတွက်တော့ နည်းပြသစ် ကလော့ပ်ကိုင်တွယ်တဲ့ ဒုတိယမြောက်ပွဲစဉ်ဟာလည်း သရေရလဒ်ပဲ ရခဲ့တာပါ။ လီဗာပူးအသင်းဟာ ယူရိုပါလိဂ် အုပ်စု ဘီမှာ ဆွစ်ဇာလန်ကလပ် အက်ဖ်စီ စီအွန်၊ ရုရှားကလပ် ရူဘင်ကာဇန်၊ ပြင်သစ်ကလပ် ဘော်ဒိုးတို့နဲ့အတူ ကျရောက်နေတာပါ။ အုပ်စုပွဲစဉ် ၃ ပွဲစီ ကစားပြီးချိန်မှာတော့ အက်ဖ်စီ စီအွန်က ၇ မှတ်နဲ့ အုပ်စုပထမ၊ လီဗာပူးက ၃ မှတ်နဲ့ ဒုတိယ၊ ရူဘင်ကာဇန်နဲ့ ဘော်ဒိုးတို့က ၂ မှတ်စီနဲ့ အုပ်စု တတိယနဲ့ စတုတ္ထနေရာ အသီးသီးမှာ ရပ်တည်နေပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up