ပြည်ပကနေ ကြိုတင်မဲပေးဖို့ သတ်မှတ်ထားတဲ့ရက် မလုံလောက်တာကြောင့် စင်ကာပူရောက် မြန်မာနိုင်ငံသားတွေဟာ ညအိပ်တန်းစီပြီး စောင့်ဆိုင်းခဲ့ကြရတယ်လို့ ပြောပါတယ်။ ''ကျနော် ည ၃ နာရီခွဲကတည်းက သံရုံးမှာမဲပေးဖို့ တန်းစီနေတာတောင် သံရုံးနဲ့မီတာ ၇၀၀ လောက်ဝေးတဲ့ နေရာမှာ စီနေရတယ်။ ထိပ်ဆုံးက တစ်ယောက်ဆို ည ၈ နာရီခွဲကတည်းက လာစောင့်နေတာပါ'' လို့ စင်ကာပူရောက် ကိုအောင်ပိုင်စိုးက ပြောပါတယ်။ စင်ကာပူနိုင်ငံမှာ မဲပေးခွင့်ရရှိသူ ၂၀၀၀၀ ကျော် ရှိပေမယ့် မဲပေးခွင့် သတ်မှတ်ထားတဲ့ ၄ ရက်ဟာ မဲဆန္ဒရှင်တွေအားလုံး မဲပေးနိုင်ဖို့ အချိန်မလုံလောက်ဘူးလို့ ပြောပါတယ်။ လက်ရှိ စင်ကာပူအစိုးရနဲ့ မြန်မာသံရုံးတို့ကြား မဲပေးခွင့် ၃ ရက် ထပ်တိုးပေးဖို့ ညှိနှိုင်းနေတယ်လို့လည်း သိရပါတယ်။ ''ဒီမဲပေးခွင့်ရဖို့ ကျနော်တို့မှာ တော်တော်လေးကို ကြိုးစားထားရတာခင်ဗျ။ မဲစာရင်းတွေ စစ်ရ၊ မဲစာရင်းပါအောင်လုပ်ရနဲ့ ဒီလောက် လုပ်ထားပြီးမှ မဲမပေးလိုက်ရမှာစိုးလို့ အားလုံးက ဒီလို ညအိပ်တန်းစီပြီးကို စောင့်နေကြတာပါ။ ကျနော်ဆို ရုံးကို ဆေးခွင့်တင်ပြီး မဲလာပေးတာပါ” လိုY ကိုအောင်ပိုင်စိုးက ပြောပါတယ်။ ၂၀၁၅ ရွေးကောက်ပွဲအတွက် ပြည်ပရောက် မြန်မာတွေရဲ့ ကြိုတင်မဲပေးမှုတွေကို အောက်တိုဘာ ၁၅ ရက်နေ့က စတင်ခဲ့ပြီး စာရင်းပေးသွင်းထားသူ ၂ သောင်းကျော်လောက် ရှိကာ ကြိုတင်မဲပေးတဲ့ ပထမနေ့ အောက်တိုဘာ ၁၅ ရက်မှာ ၁၈၇၇ ယောက်၊ ဒုတိယနေ့ အောက်တိုဘာ ၁၆ ရက်မှာ ၃၁၅၀ ယောက် ရှိတယ်လို့ သိရပါတယ်။ ဓာတ်ပုံ - အောင်ပိုင်စိုး