ရန်ကုန်မြို့သစ် ၅ နှစ်စီမံကိန်းအတွက် ဒေါ်လာသန်း ၄၀၀၀ ကုန်ကျခံမည်

ဒေါက်တာ တိုးအောင်
ရန်ကုန်မြို့သစ်စီမံကိန်းကို အကောင်အထည်ဖော်တဲ့နေရာမှာ ပထမ ကာလတို ၅ နှစ်စီမံကိန်းအတွက် အမေရိကန်ဒေါ်လာ သန်း ၄ ထောင် ကုန်ကျခံမှာ ဖြစ်ပါတယ်။ ရန်ကုန်အရှေ့မြောက်မြို့သစ်စီမံကိန်းကို ဂျပန်နိုင်ငံ ဂျိုက်ကာအဖွဲ့အစည်းနဲ့ ရန်ကုန်မြို့တော် စည်ပင်သာယာရေးကော်မတီလက်အောက်ရှိ မြို့ပြစီမံကိန်းဌာနတို့ ပူးပေါင်းရေးဆွဲထားပြီး ရန်ကုန်တိုင်းဒေသကြီး လွှတ်တော်အစည်းအဝေးမှာ တင်ပြထားပြီးဖြစ်တယ်လို့ မြို့ပြစီမံကိန်းဌာနက ဒေါက်တာတိုးအောင်က ပြောပါတယ်။ ရန်ကုန်မြို့ ကုန်သည်စက်မှုအသင်းချုပ်ရုံးမှာ ပြုလုပ်ခဲ့တဲ့ အိမ်ခြံမြေအလုပ်ရုံဆွေးနွေးပွဲမှာ အခုလို ပြောဆိုလိုက်တာပါ။ စီမံကိန်းထဲမှာ မြို့သစ်တည်တာနဲ့ အထူးစီးပွားရေးဇုန်ဖော်ဆောင်တာ စတဲ့ ပရောဂျက်ပေါင်း ၁၇ ခု ပါဝင်မှာ ဖြစ်ပြီး ပြည်သူတွေရဲ့ လိုအပ်ချက်အလိုက် ကြည့်ပြီး ရေးဆွဲထားတာလို့ ဆိုပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up