ရွေးကောက်ပွဲ လေ့လာစောင့်ကြည့်မည်ဟု ဗြိတိန်သံအမတ်ကြီး ပြော
DVB
·
October 10, 2015
ပြည်တွင်းနဲ့ နိုင်ငံတာကာ စောင့်ကြည့်ရေးအဖွဲ့တုို့ ပူးပေါင်းပြီး လာမယ့်ရွေးကောက်ပွဲကို လေ့လာစောင့်ကြည့်သွားမယ်လို့ မြန်မာနိုင်ငံဆိုင်ရာ ဗြိတိန်သံမတ်ကြီးက ပြောပါတယ်။
လာမယ့်ရွေးကောက်ပွဲမှာ တရားမျှတတဲ့ ရွေးကောက်ပွဲဖြစ်ဖုို့၊ မဲလိမ်မဲခုိုးတာတွေကို ကာကွယ်ဖုို့ နိုင်ငံတာကာ လေ့လာစောင့်ရေးအဖွဲ့နဲ့ ပြည်တွင်းက စောင့်ကြည့်ရေးအဖွဲ့တွေ ပှုးပေါင်း လေ့လာစောင့်ကြည့်သွားမယ်လို့ မြန်မာနိုင်ငံဆိုင်ရာ ဗြိတိန်သံမတ်ကြီး အန်ဒရူးပက်ထရစ် (Andrew Patrick) က ပြောပါတယ်။
အောင်တုိုဘာ ၈ ရက်နေ့က မုံရွာမြို့မှာ အမျိုးသားဒီမိုကရေစီအဖွဲ့ချုပ် ကိုယ်စားလှယ်တွေနဲ့တွေဆုံချိန် ပြောကြားလုိုက်တာဖြစ်ပါတယ်။
အန်ဒရူးက “နိုင်ငံတာကာစောင့်ကြည့်ရေးအဖွဲ့မှာလည်း ကျနော်တုို့ပါဝင်ပတ်သက်မှာ ဖြစ်ပါတယ်။ ဥရောပ နိုင်ငံကနေ လေ့လာစောင့်ကြည့်မယ့်သူ ၁၅၀ ကျော်၊ အမေရိကန်ကလည်း ၁၅၀ ကျော်၊ သြစတြေးလျကလည်း ၁၀၀ ကျော် ပါဝင်မယ်။ သူတုို့တွေ မြန်မာနိုင်ငံ အနှံ့ စောင့်ကြည့်မှာဖြစ်ပါတယ်။ ပြည်တွင်းစောင့်ကြည့်တဲ့ သူကော၊ နိုင်ငံတာကာ စောင့်ကြည့်တဲ့ သူတွေအပါဝင် ဒီရွေးကောက်ပွဲဟာ တရားမျှတတဲ့ ရွေးကောက်ပွဲဟုတ်မဟုတ် အကူညီပေးစေမှာဖြစ်သလို မဲလိမ်မဲခုိုးမဖြစ်အောင်လည်း အကာအကွယ်ပေးသွားမှာဖြစ်ပါတယ်” လို့ ပြောပါတယ်။
ဒါ့အပြင် ဒီရွေးကောက်ပွဲအတွက် နိုင်ငံတာကာရဲ့ နည်းပညာနဲ့ ရွေးကောက်ပွဲ ကော်မရှင်ကို ပံ့ပုိုးပေးသလို ကော်မရှင်ရဲ့ လုပ်ဆောင်ချက်တွေကို စောင့်ကြည့်တဲ့ အဖွဲ့တွေကိုလည်း ပံ့ပိုးပေးတယ်လို့ဆုိုပါတယ်။
စစ်ကုိုင်းတုိုင်းက ကိုယ်စားလှယ်လောင်းတွေရဲ့ မဲဆွယ်စည်းရုံးရေး အတွေ့ကြုံတွေကိုလည်း သံအမတ်ကြီးက မေးမြန်းခဲ့တယ်လို့ မုံရွာမြို့နယ် အန်အယ်လ်ဒီ ပြန်ကြားရေးတာဝန်ခံ ကိုစစ်ငြိမ်းအေးက ပြောပါတယ်။
“အခက်အခဲတွေ ဘယ်လိုရှိလဲဆုိုတာကို ကိုယ်စားလှယ်လောင်းကို သူကိုယ်တုိုင်တုိုက်ရိုက်မေးမြန်းတယ်။ မေးပြီးတော့ သူရဲ့ ပြန်ကြားချက်တွေကို လာမယ့်ရွေးကောက်ပွဲမှာ စောင့်ကြည့်ရေးအဖွဲ့တွေ အသုံးပြုနိုင်အောင် လာမေးတာ။ တခြားပါတီတွေကိုလည်း မေးမြန်းတွေ့ဆုံမယ်ဆုိုတာ ပြောသွားတာတွေရှိပါတယ်။”
သံအမတ်ကြီးက ဒီရွေးကောက်ပွဲဟာ နိုင်ငံတာကာက အရမ်းစိတ်ဝင်စားမှုရှိနေတဲ့ ရွေးကောက်ပွဲဖြစ်တဲ့အကြောင်း၊ သူတုို့အနေနဲ့ ရန်ကုန်မှာပဲ စောင့်ကြည်တာမျိုးမဟုတ်ဘဲ တပြည်လုံးအနံ့ ပြည်တင်းပြည်ပ စောင့်ကြည့်ရေးကိုယ်စားလှယ်တွေကို ဖြန့်ကြက်စောင့်ကြည့်လေ့လာသွားမှာဖြစ်ကြောင်း ဒီရွေးကောက်ပွဲဟာ တရားမျှတတဲ့ ရွေးကောက်ပွဲဖြစ်မယ်ဆုိုတာ အာမမခံနိုင်ပေမယ့် အကောင်းဆုံးဖြစ်အောင် ကြိးစားသွားမယ်လို့ ပြောပါတယ်။
