မြန်မာ ယူ ၁၉ အသင်းကို ပြစ်ဒဏ်နှင့် အရေးယူမှုများအကြောင်း သင်ကြား

ဓာတ်ပုံ - အမ်အက်ဖ်အက်ဖ်
အာရှ ယူ-၁၉ ခြေစစ်ပွဲ ဝင်ရောက်ယှဉ်ပြိုင်မယ့် မြန်မာ ယူ-၁၉ အသင်းကို ပွဲအတွင်း ကျူးလွန်မိတတ်တဲ့ ပြစ်ဒဏ်တွေနဲ့ အရေးယူမှုတွေအကြောင်း စက်တင်ဘာ ၂၄ ရက် မနက်ပိုင်းက သင်ကြားပေးခဲ့ပါတယ်။ မြန်မာ ယူ-၁၉ အသင်း ဘောလုံးနည်းဥပဒေတွေ ပိုမို ကျေညက်စေဖို့ ရည်ရွယ်ပြီး မြန်မာနိုင်ငံ ဘောလုံးအဖွဲ့ချုပ် ဒိုင်ကော်မတီ ဥက္ကဋ္ဌ ဦးထွန်းလှအောင် ကိုယ်တိုင် လာရောက် သင်ကြားပေးခဲ့တာလို့ မြန်မာဘောလုံးအဖွဲ့ချုပ် ဖေ့စ်ဘွတ်ခ်မှာ ဖော်ပြထားပါတယ်။ မြန်မာနိုင်ငံက အိမ်ရှင်အဖြစ် ကျင်းပပြုလုပ်မယ့် အာရှ ယူ-၁၉ ခြေစစ်ပွဲ အုပ်စု ဂျီ ပွဲစဉ်တွေကို စက်တင်ဘာ ၂၈ ရက်နေ့ကနေ အောက်တိုဘာ ၆ ရက်နေ့အထိ ရန်ကုန်မြို့ သုဝဏ္ဏ အားကစားကွင်းမှာ ကျင်းပမှာဖြစ်ပါတယ်။ ဒီအုပ်စုမှာ အိမ်ရှင် မြန်မာ၊ ဗီယက်နမ်၊ ဟောင်ကောင်၊ တီမော၊ ဘရူနိုင်းတို့ ပါဝင်ပြီး မြန်မာယူ-၁၉ အသင်းဟာ စက်တင်ဘာ ၃၀ မှာ ဘရူနိုင်း၊ အောက်တိုဘာ ၂ ရက်နေ့မှာ တီမော၊ အောက်တိုဘာ ၄ ရက်နေ့မှာ ဟောင်ကောင်နဲ့ အောက်တိုဘာ ၆ ရက်နေ့မှာ ဗီယက်နမ်တို့နဲ့ ယှဉ်ပြိုင်ရမှာပါ။ အာရှ ယူ-၁၉ ခြေစစ်ပွဲကို အုပ်စု ၁၀ စု ခွဲထားပြီး အဲဒီ အုပ်စု ၁၀ စုက အုပ်စုပထမရအသင်း ၁၀ သင်း၊ အကောင်းဆုံး အုပ်စု ဒုတိယ ၅ သင်းနဲ့ နောက်ဆုံးအဆင့်ပြိုင်ပွဲ ကျင်းပခွင့်ရထားတဲ့ အိမ်ရှင် ဘာရိန်းအသင်း၊ စုစုပေါင်း ၁၆ သင်းတို့ ယှဉ်ပြိုင်ရမှာ ဖြစ်ပါတယ်။ ၂၀၁၆ အာရှ ယူ-၁၉ ပြိုင်ပွဲကို လက်ခံကျင်းပခွင့်ရထားတဲ့ အိမ်ရှင် ဘာရိန်းအသင်းဟာ နောက်ဆုံးအဆင့်ပြိုင်ပွဲကို အလိုအလျောက် ယှဉ်ပြိုင်ခွင့်ရထားပေမယ့် အသင်းခြေစွမ်း စမ်းသပ်တဲ့ အနေနဲ့ ခြေစစ်ပွဲအဆင့်မှာ ၀င်ရောက်ယှဉ်ပြိုင်မှာ ဖြစ်ပါတယ်။ ဒါကြောင့် ဘာရိန်းအသင်းဟာ သူ့အုပ်စု ခြေစစ်ပွဲမှာ အုပ်စုပထမ သို့မဟုတ် အကောင်းဆုံး အုပ်စုဒုတိယ စာရင်းဝင်ပါက အကောင်းဆုံး အုပ်စုဒုတိယရ ၆ သင်းမြောက်အသင်းဟာ ခြေစစ်ပွဲ အောင်မြင်မှာ ဖြစ်ပါတယ်။ ရန်ကုန်မြို့ သုဝဏ္ဏကွင်းမှာ ကျင်းပမယ့် အုပ်စု ဂျီ ခြေစစ်ပွဲတွေကို တနေ့ ၂ ပွဲနှုန်း ကျင်းပမှာဖြစ်ပြီး မြန်မာအသင်း ပွဲစဉ်တွေကို ညနေ ၆း၃၀ မှာ ကျင်းပမှာ ဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up