ရမ္မက်လှုံ့ဆော် ကြော်ငြာများ ဖြုတ်ချရန် ထိုင်းအစိုးရ ညွှန်ကြား (ရုပ်သံ)

ထုတ်ကုန်တွေ အရောင်းသွက်ဖို့ ရမ္မက်ကို နှိုးဆော်တဲ့ တီဗွီ ကြော်ငြာတွေနဲ့ ပတ်သက်တဲ့ လုပ်ထုံးလုပ်နည်းတွေကို အမျိုးသားအသံလွှင့်နဲ့ ရေဒီယို တယ်လီဖုန်း ကြေးနန်းရုပ်သံ ဆက်သွယ်ရေး ကော်မရှင် (အန်ဘီတီစီ) အနေနဲ့ ပိုတင်းကျပ်ဖို့ ထိုင်းယဉ်ကျေးမှု ၀န်ကြီးဌာနက ညွှန်ကြားထားပါတယ်။ ယဉ်ကျေးမှု ၀န်ကြီးဌာန အမြဲတမ်း အတွင်းရေးမှူး အာပီနန် ပိုရှန်နန်ဒါက ၀န်ကြီးဌာနက မသင့်တော်တဲ့ ကြော်ငြာတွေအတွက် တိုင်တန်းချက် တော်တော်များများကို လက်ခံရရှိထားသလို ဒီအထဲမှာ အမျိုးသမီးတွေ မလုံမခြုံ ၀တ်ဆင်တာတွေ ပါဝင်နေတယ်လို့ ထိုင်း ဘန်ကောက်ပိုစ် သတင်းကို ပြောပါတယ်။ အန်ဘီတီစီအနေနဲ့ ဒီကိစ္စကို စောင့်ကြည့် ထိန်းချုပ်ဖို့ ၀န်ကြီးဌာနက လိုလားနေပါတယ်။ ဒီကိစ္စအတွက် အန်ဘီတီစီ က တာဝန်ရှိသူတွေနဲ့ တွေ့ဆုံဆွေးနွေးမယ်လို့ ဆိုပါတယ်။ အန်ဘီတီစီက တီဗွီ ကြော်ငြာတွေနဲ့ ပတ်သက်ပြီးတော့ ဆင်ဆာတားမြစ်ပိတ်ပင်မှု မရှိဘူးလို့ ပိုရှန်နန်ဒါက ပြောပါတယ်။ ဒီအတွက် ထုတ်ကုန် ကြော်ငြာတဲ့သူတွေက လူတွေ အာရုံစိုက်မှု ပိုရအောင် ရမ္မက်နှိုးဆွတဲ့ ကြော်ငြာတွေကို အသုံးပြုတယ်လို့ ပြောပါတယ်။ ဒီအထဲမှာ သက်ဆိုင်ခြင်းမရှိဘဲ ညှို့အားပြင်းတဲ့ အမျိုးသမီးတွေကို အသုံးပြုပြီး ကြော်ငြာတဲ့ ဓာတ်မြေသြဇာ ကြော်ငြာလည်း ပါတယ်လို့ ဆိုပါတယ်။ ဒီကြော်ငြာတွေကို ခွင့်ပြုလိုက်ရင် အမျိုးသမီးတွေကို ကြော်ငြာရာမှာ လိင်ပိုင်းဆိုင်ရာ အရာဝတ္ထုအဖြစ် မြင်ပြီး အသုံးပြုမှာကို ပူပန်တယ်လို့ ပိုရှန်နန်ဒါက ပြောပါတယ်။ ဒီကြေ်ငြာဟာ ယူကျုမှာတော့ ရယ်စရာအကောင်းဆုံး လိင်အသားပေး ကြော်ငြာအနေနဲ့ တင်ပြထားပါတယ်။

More News
Up