စက်တင်ဘာ ၂၀ ရက်နေ့က ကျင်းပတဲ့ ဂရိ ရွေးကောက်ပွဲမှာ လက်ဝဲယိမ်း အဲလက်ဇီ စီးပရက်စ် ခေါင်းဆောင်တဲ့ ပါတီက မမျှော်လင့်ဘဲ ပြတ်ပြတ်သားသား အနိုင်ရရှိခဲ့ပါတယ်။ မဲ ၆၀ ရာခိုင်နှုန်းကို ရေတွက်ပြီးချိန်မှာ ဆီရီဇာ ပါတီက ၃၅ ရာခိုင်နှုန်းကျော်ရှိပြီး အဓိက ပြိုင်ဘက် ဒီမိုကရေစီသစ် (New Democracy) ပါတီက ၂၈ ရာခိုင်နှုန်းကျော် အနိုင်ရပါတယ်။ ဒါကြောင့် ဆီရီဇာ ပါတီဟာ မဟာမိတ်ပါတီဖြစ်တဲ့ လက်ယာယိမ်း  ဂရိလွတ်လပ်ရေးပါတီ (Independent Greeks) နဲ့ ပူးပေါင်းပြီး ညွန့်ပေါင်းအစိုးရဖွဲ့ဖို့ လမ်းပွင့်သွားပါပြီ။ ရွေးကောက်ပွဲရလဒ်ကို သိရအပြီးမှာ ပြောတဲ့ မိန့်ခွန်းမှာ စီးပရက်စ်က တိုင်းပြည်တည်ငြိမ်မှု ရရှိအောင် ဦးဆောင်မှုပေးသွားမယ်လို့ ကတိပြုသွားပါတယ်။ ဂရိမှာ စီးပွားရေး ပြဿ   နာတွေနဲ့ နိုင်ငံရေး မတည်ငြိမ်တာကြောင့် ၆ နှစ်အတွင်းမှာ ရွေးကောက်ပွဲ ၅ ကြိမ် ကျင်းပခဲ့ရပါတယ်။ စီးပရက်စ်က ဒီနေ့ဆိုရင် ဂရိနိုင်ငံနဲ့ ဂရိပြည်သူတွေဟာ ဂုဏ်သိက္ခာနဲ့ တော်လှန်ရေးစိတ်ဓာတ်တို့နဲ့ ခွဲခြားမရတော့ပါဘူး၊ ဒီတိုက်ပွဲကို နောက်ထပ် ၄ နှစ် ဆက်လက် သယ်ဆောင်သွားမယ်လို့လည်း ပြောပါတယ်။ ဂရိစီးပွားရေးကို ကယ်တင်နိုင်ရေး ယူရို ၈၅ ဘီလီယံ ကိစ္စနဲ့ ပတ်သက်လို့  ဒီမိန့်ခွန်းမှာ ထည့်ပြောမသွားပေမယ့် မဲဆွယ်တဲ့ ကာလတုန်းကတော့ အကူအညီပေးတဲ့ နိုင်ငံတွေနဲ့  သဘောတူညီချက်ကို အကောင်အထည် ဖော်မယ့်အကြောင်း စီးပရက်စ်က ပြောခဲ့ပါတယ်။ အခုတခေါက် ရွေးကောက်ပွဲမှာ မဲပေးခွင့်ရှိသူရဲ့  ၅၅ ရာခိုင်နှုန်း မဲပေးခဲ့ကြတဲ့အတွက် ဇန်န၀ါရီလ ရွေးကောက်ပွဲတုန်းထက်တော့  ၈ ရာခိုင်နှုန်း လျော့ကျသွားပါတယ်။