လာမယ့် နိုဝင်ဘာလ ၈ ရက်နေ့ ကျင်းပမယ့် ရွေးကောက်ပွဲမှာ အသက်ပြည့်သူတုိုင်း မဲပေးနုိုင်အောင် မဲစာရင်းသွားကြည့်ကြဖုို့ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရဲ့ အထူးသံတမန် ကမ္ဘာကျော်ဟောလီးဝုဒ်ရုပ်ရှင်မင်းသမီး အိန်ဂျလီနာဂျိုလီက မြန်မာပြည်သူတွေကို တိုက်တွန်းလိုက်ပါတယ်။ ဒီမိုကရေစီစနစ်မှာ မဲတပြားဟာ အရေးပါတာကြောင့် ကိုယ့်အတွက်သာမက ကိုယ့်မိသားစု၊ မိတ်ဆွေတွေအတွက်ပါ မဲစာရင်းသွားကြည့်ပေးဖို့ ဂျိုလီက တုိုက်တွန်းလိုက်တာပါ။ “ဒီရွေးကောက်ပွဲ ဘယ်လောက်အထိ အရေးကြီးတယ်ဆုိုတာ ကျမရဲ့ မြန်မာပြည်ခရီးစဉ်အရ သိရှိရပါတယ်။ မိတ်ဆွေတွေအနေနဲ့ မဲပေးဖုို့ အခွင့်အရေးကိုရယူဖုို့ ကျမတုိုက်တွန်းချင်ပါတယ်။ ဒါမှ နိုဝင်ဘာလ ၈ ရက်နေ့မှာ ရှင့်ရဲ့ မဲကိုလည်း ထည့်ရေတွက်နိုင်မှာပါ။ နောက်ကျမကျန်ခဲ့နဲ့နော်၊ ဒီအချိန်ဟာ သမုိုင်းဝင် အခုိုက်အတန့်မုို့ ပါဝင်ကြပါ။ သွားပြီး မဲစာရင်းစစ်ပါ။ မဲစာရင်းမှာ နာမည်ပါမပါ သေချာစစ်ပါ။ ဒါမှ ရွေးကောက်ပွဲနေ့မှာ မဲထည့်နုိုင်မှာပါ။ ကိုယ့်ရဲ့ မိတ်ဆွေအပေါင်းအသင်းတွေနဲ့ မိသားစုဝင်အားလုံးကို မဲစာရင်းစစ်ဖုို့ တုိုက်တွန်းပါ။ ဒီမုိုကရေစီစနစ်တခုမှာ မဲပြားတုိုင်းက အရေးပါတယ်။” မြန်မာပြည်က နာမည်ကျော် အနုပညာရှင်တွေကလည်း မြန်မာနိုင်ငံရဲ့အနာဂတ်ကို အဆုံးအဖြတ်ပေးမယ့် နိုဝင်ဘာလ ၈ ရက်နေ့ ရွေးကောက်ပွဲမှာ နောက်ကျမကျန်ဘဲ မဲထည့်နိုင်အောင် နာမည်ပါမပါ သွားကြည့်ဖုို့  နှိုးဆော်ထားပါတယ်။ နာမည်ကြီးအဆိုတော် ဖြူဖြူကျော်သိန်းက “ဖြူဖြူတုို့ မြန်မာနိုင်ငံရဲ့ အနာဂတ်ကို နိုဝင်ဘာ ၈ ရက်နေ့ ရွေးကောက်ပွဲက အဆုံးအဖြတ်ပေးမှာပါ။ ကိုယ့်နုိုင်ငံရဲ့ အနာဂတ်ကို ပုံဖော်ဖုို့ဆုိုတာ ကိုယ့်ရဲ့ အခွင့်အရေးပါ။ ချစ်ပရိသတ်ကြီးရေး ကုိုယ်နဲ့ ကုိုယ်မိတ်ဆွေတုို့ မဲစာရင်းကြည့်နေတဲ့ ပုံတွေကို selfie တွေရိုက်။ # Myanmar Vote ကို အတက်ခ်ျလုပ်ပြီးတော့ လူမှုကွန်ရက်စာမျက်နာပေါ်တင်ပြီး ပါဝင်ကူညီကြပါစို့နော်” လို့ ပြောပါတယ်။ ရုပ်ရှင်သရုပ်ဆောင် နေတိုးက “နောက်ကျမကျန်ခဲ့နဲ့နော် မဲပေးဖုို့၊ စာရင်းပေးမထားရင် ရွေးကောက်ပွဲနေ့မှာ မဲပေးလို့ရမှာမဟုတ်ပါဘူး” လို့ ပြောပါတယ်။ ပြည်ထောင်စုရွေးကောက်ပွဲကော်မရှင်ဟာ နောက်ဆုံးအကြိမ် မဲစာရင်းတွေကို  စက်တင်ဘာ ၁၄ ရက်ကနေ ၂၇ ရက်အထိ တနိုင်ငံလုံးအနှံ့ သက်ဆိုင်ရာရုံးတွေမှာ ကပ်ထားပေးပါတယ်။ ပြည်သူတွေကတော့ အခုထုတ်တဲ့ မဲစာရင်းမှာ အက္ခရာ စဉ်လုိုက်ထုတ်ပြန်ထားတာကြောင့် နာမည်ရှာရတာ အခက်အခဲရ်ှိတယ်လို့ ပြောဆုိုနေကြပါတယ်။ ဒီတကြိမ်ထုတ်ပြန်တဲ့ မဲစာရင်းမှာ နာမည်စာရင်းမပါတာ၊ မှားတာတွေကို ၂၇ ရက်နေ့ နောက်ဆုံး တင်သွင်းဖို့ ရွေးကောက်ပွဲ ကော်မရှင်ကထုတ်ပြန်ထားပါတယ်။ ပြည်ထောင်စုရွေးကောက်ပွဲကော်မရှင်ရဲ့ အရင်ခန့်မှန်းချက်အရ တနိုင်ငံလုံး မဲပေးပိုင်ခွင့်ရှိသူ သန်း ၃၀ လောက်ရှိပြီး အခု ထပ်တိုးလာတဲ့ စာရင်းတွေနဲ့ဆို မဲပေးနိုင်သူဦးရေ ၃၂ သန်းကျော်လောက် ရှိလိမ့်မယ်လို့ ခန့်မှန်းထားပါတယ်။