မြန်မာနိုင်ငံ အမျိုးသားလျှပ်စစ်စွမ်းအင်စီမံကိန်းမှာ ဘဏ္ဍာရေးနဲ့ နည်းပညာ ထောက်ပံ့ကူညီနိုင်ရေးအတွက် ကမ္ဘာ့ဘဏ်အုပ်စုမှ အမေရိကန်ဒေါ်လာသန်း ၄၀၀ ထောက်ပံ့ကူညီသွားမယ်လို့ ကမ္ဘာ့ဘဏ်က စက်တင်ဘာ ၁၆ ရက်နေ့မှာ သတင်းထုတ်ပြန်ပါတယ်။ မြန်မာနိုင်ငံလူဦးရေရဲ့ ၇၀ ရာခိုင်နှုန်းကျော်ဟာ လျှပ်စစ်စွမ်းအင်ကို အပြည့်အ၀ အသုံးပြုခွင့်မရတဲ့အတွက် ကျေးလက်ဒေသမြို့ရွာတွေထိ ဆင်းရဲမွဲတေမှုပပျောက်ရေးနဲ့ စီးပွားရေးဖွံ့ဖြိုးတိုးတက်မှုလျင်မြန်တိုးတက်လာစေဖို့ အရေးတကြီးဆောင်ရွက်ပေးဖို့ လိုအပ်နေတယ်လို့ သတင်းထုတ်ပြန်ချက်မှာဖော်ပြပါတယ်။ ၆ နှစ်ကြာမြင့်မယ့် ဒီစီမံကိန်းမှာ မြန်မာနိုင်ငံ လူဦးရေ ၆ ဒဿမ ၂ သန်းကို လျှပ် စစ်စွမ်းအင်အသုံးပြုခွင့်ရနိုင်ဖို့ မျှော်မှန်းထားတယ်လို့ဆိုပါတယ်။ အမေရိကန်ဒေါ်လာသန်း ၄၀၀ ကုန်ကျမယ့် ဒီစီမံကိန်းကနေ ကျေးလက်မြို့ရွာ တွေထိ၊ ကျောင်းတွေ၊ ဆေးရုံဆေးခန်းတွေထိ လျှပ်စစ်မီးရရှိစေမှာဖြစ်ပြီး ၂၀၃၀ ပြည့်နှစ်မှာ ကမ္ဘာနဲ့တန်းတူ တနိုင်ငံလုံးလျှပ်စစ်မီးအပြည့်အ၀ရရှိစေရမယ့် မြန်မာ့ရည် မှန်းချက်ကို ထောက်ပံ့ကူညီပေးတာဖြစ်တယ်လို့ ကမ္ဘာ့ဘဏ်ရဲ့ အရှေ့တောင်အာရှနိုင်ငံများဆိုင်ရာ ညွှန်ကြားရေးမှူး အူးလ်ဝစ်ဇာကာအိုက ပြောပါတယ်။ မြန်မာနိုင်ငံ လျှပ်စစ်စွမ်းအားဝန်ကြီးဌာန ဒုတိယ၀န်ကြီး ဦးအောင်သန်းဦးက “မြန်မာနိုင်ငံအမျိုးသားလျှပ်စစ်စွမ်းအင်စီမံကိန်းဟာ မြန်မာနိုင်ငံမြို့ရွာအနှံ့က ပြည်သူတွေကို အလုပ်အကိုင်အခွင့်အလမ်းတွေ၊ ပိုပြီးကောင်းမွန်တဲ့ ကျန်းမာရေးစောင့်ရှောက်မှုတွေ၊ ကျောင်းစာသင်ခန်းတွေမှာ လျှပ်စစစ်မီးရရှိနိုင်မှုတွေကို အပြောင်းအလဲဖြစ်လာ ပါလိမ့်မယ်”လို့ ပြောပါတယ်။ ကမ္ဘာ့ဘဏ်က ထောက်ပံ့ကူညီမယ့် ၆ နှစ်ကြာမြင့်မယ့်စီမံကိန်းမှာ ကျောင်း၊ဆေး ရုံဆေးပေးခန်း ၂၃၀၀၀ ကျော်နဲ့ လမ်းမီးတိုင် ၁၃၂၀၀၀ လျှပ်စစ်မီးရရှိရေးတွေ အပါအ၀င် ကျေးရွာဈေးတွေမှာပါ လျှပ်စစ်မီးအသုံးပြုနိုင်ဖို့နဲ့ ဘေးကင်းလုံခြုံမှုရရှိစေရေးတွေပါ ၀င်တယ်လို့ သတင်းထုတ်ပြန်ချက်မှာ ဖော်ပြပါတယ်။