အမေရိကန်ခေါင်းဆောင်တဲ့ မဟာမိတ်တွေက အစ္စလာမ္မစ်နိုင်ငံ အမည်ခံ အကြမ်းဖက်အဖွဲ့ကို လေကြောင်း ထိုးစစ်ဆင်နေပုံကို ရိုက်ကူးထားတဲ့ ဗွီဒီယိုကို ကာကွယ်ရေးဌာန ၀ါဒဖြန့်ချိရေးရုံးက ဖြန့်ချိလိုက်ပါတယ်။ အီရတ်နဲ့ ဆီးရီးယားမှာ အခြေစိုက်တဲ့  အိုင်အက်စ်အဖွဲ့ရဲ့ စခန်းတွေကို  လေကြောင်းတိုက်ခိုက်မှု ၂၁ ကြိမ် ပြုလုပ်ပုံကို ရိုက်ကူးထားတာပါ။ သြစတြေးလျ၊ ဒိန်းမတ်၊ အမေရိကန်ပြည်ထောင်စုတို့ရဲ့ ဂျက်တိုက်လေယာဉ်တွေကို ဗွီဒီယိုထဲမှာ တွေ့ရပါတယ်။ စက်တင်ဘာ ၅ ရက်နေ့က အမေရိကန်နဲ့ မဟာမိတ်တပ်တွေဟာ အီရတ်စစ်မျက်နှာမှာ လေကြောင်းထိုးစစ် ၁၅ ကြိမ်၊ ဆီးရီးယားဘက်မှာ ၇ ကြိမ် ပြုလုပ်ခဲ့တယ်လို့ မဟာမိတ် ပူးပေါင်းတပ်ဖွဲ့က ဆိုပါတယ်။ အီရတ်စစ်မျက်နှာမှာ လှေ ၂ စင်းနဲ့ လက်နက်တိုက်တွေ၊ ယာဉ်တွေ၊ စစ်ဗျူဟာစခန်းတွေ၊ သံချပ်ကာ ကားတွေကို ဖျက်ဆီးနိုင်ခဲ့တယ်လို့ ဆိုပါတယ်။ ဆီးရီးယား စစ်မျက်နှာမှာလည်း စစ်စခန်းတွေ၊ ဗုံးခိုကျင်းတွေ၊ အမြောက်တပ်တွေနဲ့ ဒုံးကျည်စခန်းတွေကို ဖျက်ဆီးနိုင်ခဲ့တယ်လို့ ဆိုပါတယ်။