စစ်ကိုင်း ဂီတာအိုး
DVB
·
September 5, 2015
မြန်မာနိုင်ငံကနေ ဂီတာတွေ ထုတ်လုပ်နေတဲ့ အဓိကမြို့ကြီး ၃ မြို့ ရှိတယ်။ ရန်ကုန်၊ မန္တလေးနဲ့ စစ်ကိုင်းမြို့တို့ပဲ ဖြစ်တယ်။ အားလုံးထဲမှာ လက်ရာပိုင်း သေသပ်ကောင်းမွန်မှု၊ ခိုင်ခံ့မှုနဲ့ အသံထွက် ကောင်းမွန်မှုတွေမှာ ပိုမို သာလွန်တယ်ဆိုပြီး နာမည်ကျော်ကြားတာကတော့ စစ်ကိုင်းမြို့ကထွက်တဲ့ ဂီတာတွေပဲ ဖြစ်ပါတယ်။ ဂီတာချစ်သူတွေကတော့ စစ်ကိုင်းအိုးလို့ အလွယ်တကူ ခေါ်ကြတယ်။
စစ်ကိုင်းမြို့ရဲ့ ထုတ်ကုန်တွေထဲမှာ စဥ့်အိုး၊ မြေအိုးတွေ နာမည်ကျော်ကြားသလို စစ်ကိုင်းဂီတာအိုးက လည်း ထင်ရှားလှတယ်။ ပြည်တွင်းထုတ်ဂီတာတွေထဲမှာကို စစ်ကိုင်းဂီတာတွေဟာ အရည်အသွေး မြင့်မားမှုကြောင့် ရန်ကုန်၊ မန္တလေးကထွက်တဲ့ ဂီတာတွေရဲ့ အထက်မှာကို မားမားမတ်မတ်ရပ်တည်နေတယ်။
အခုချိန်မှာတော့ မြန်မာပြည်ဂီတာဈေးကွက်မှာ စစ်ကိုင်းဂီတာတွေဟာ သူတို့ထက် ဈေးနှုန်း သက်သာမှုရော အရည်အသွေးပါ ပိုမိုသာလွန်လှတဲ့ တရုတ်ဂီတာတွေနဲ့ အကြိတ်အနယ်ယှဉ်ပြိုင်နေရတယ်။ နောက်ပိုင်းမှာလည်း စစ်ကိုင်းဂီတာတွေဟာ ဈေးနှုန်းမြင့်တက်ဖို့သာရှိပြီး အရည်အသွေးကတော့ တန့်ခံနေသလို ဖြစ်နေမှာကြောင့် ဒီဂီတာတွေဟာ တဖြည်းဖြည်း မှေးမှိန်သွားဖို့နဲ့ ပျောက်ကွယ်သွာဖို့ နီးစပ်လာနေတယ်။
မြန်မာနိုင်ငံမှကတော့ ဂီတာလုပ်ငန်းတင်မကပါဘူး ရိုးရာလက်မှုလုပ်ငန်းအသေးစားလေးတွေအများစုဟာ မျက်စိရှေ့တင် တဖြည်းဖြည်း ပျောက်ကွယ်နေတာ စာဖတ်သူတွေအသိပါပဲ။ စာဖတ်သူတွေ မျက်စိရှေ့မှာတင် ပျောက်ကွယ်သွားတဲ့ လက်မှုလုပ်ငန်းတွေ နည်းမှ မနည်းပဲ။ အဲဒီလိုပျောက်ကွယ်မယ့်အထဲမှာ စစ်ကိုင်း ဂီတာတွေကလည်း ပါဝင်တော့မယ်။ အချိန်မကြာခင်အတောအတွင်းမှာပေါ့။
စစ်ကိုင်းမြို့မှာ ဂီတာတွေ စတင်ပြုလုပ်ခဲ့တာကတော့ လွန်ခဲ့တဲ့ နှစ် ၃၀ လောက်က ၁၉၈၀ ၀န်းကျင်လောက်ကပါ။ အဲဒီအချိန်တွေတုန်းက မန္တလေးမြို့က တူရိယာပစ္စည်းဆိုင်တွေမှာ နိုင်ငံခြားဂီတာ၊ ရန်ကုန်ဂီတာတွေကိုသာ တွင်တွင်ကျယ်ကျယ်ရောင်းချနေကြတဲ့အချိန်ပေါ့။ အဲဒီလိုဆိုင်တဆိုင်မှာ ဂီတာဟောင်းတွေ ပြန်လည်ပြုပြင်ပေးနေတဲ့ ဦးကျော်သိန်းဆိုတဲ့ စစ်ကိုင်းသားကြီး တယောက်ရှိခဲ့တယ်။ သူကိုယ်တိုင်ကလည်း ဂီတာတွေအပေါ် အရမ်းရူးသွပ်တာကြောင့် နောက်ပိုင်းမှာ ဂီတာတလုံးကို အစအဆုံး ပြုလုပ်နိုင်တဲ့အထိ နှံ့နှံ့စပ်စပ် ဖြစ်လာတယ်။ ဒါနဲ့ပဲ စစ်ကိုင်းမြို့မှာ ဂီတာတွေ စတင်ပြုလုပ်ခဲ့တယ်။ ဒါကတော့ စစ်ကိုင်းမြို့မှာ ဂီတာတွေ ပေါ်လာခဲ့ရတဲ့ မူလအကြောင်းရင်းပဲ ဖြစ်ပါတယ်။
စစ်ကိုင်းဂီတာတွေ စပေါ်ခဲ့တဲ့အချိန်တွေကတော့ စစ်ကိုင်းမြို့မှာ ဂီတာလုပ်ငန်းလုပ်သူ တစ်ဦးစ နှစ်ဦးခန့်သာရှိခဲ့ပေမယ့် တဖြည်းဖြည်းနဲ့ လုပ်ငန်း သုံးလေးဆယ်လောက်အထိ များပြားလာတယ်။ ဒါပေမယ့် လက်ရှိအချိန်မှာတော့ စစ်ကိုင်းမှာ ဂီတာလုပ်ငန်း စုစုပေါင်း အခု ၂၀ လောက်သာကျန်တော့တယ်။ ဒါတောင် တချို့လုပ်ငန်းတွေဟာ လုပ်ငန်းလို့ ဆိုပေမယ့် အိမ်တွင်းလက်မှုလုပ်ငန်းအသေးစားလေးတွေသာ ဖြစ်ပါတယ်။
စစ်ကိုင်းမှာ ဂီတာလုပ်ငန်းလုပ်တဲ့ ရပ်ကွက် ၄ ခုလောက်ရှိတယ်။ မင်းစံ ၊ထုံးဘို၊ မြို့သစ်၊ စိန်ကုန်းစတဲ့ ရပ်ကွက်တွေပါ။ လုပ်ငန်းလုပ်သူအားလုံးနီးပါးဟာ စစ်ကိုင်းသားကြီး ဦးကျော်သိန်းဆီက ပညာအမွေခံပြီး ဆင်းလာကြသူတပည့်တပန်းတွေချည်းဖြစ်တယ်လို့ ဆိုနိုင်ပါတယ်။
စစ်ကိုင်းက ဂီတာလုပ်ငန်းတွေမှာ ဟော်လိုဂီတာ၊ အီလက်ထရောနစ်ဂီတာ၊ ဆီမီးအီလက်ထရောနစ် ဂီတာ တွေဆိုပြီး အသီးသီးထုတ်ကြတယ်။ တချို့လုပ်ငန်းကြီးတွေမှာတော့ မယ်ဒလင်လို တယောလို လက်ဝင်တဲ့ တူရီယာတွေကိုပါ ထုတ်ကြတယ်။ ဒါပေမယ့် ဂီတာတွေကိုသာ အဓိကထုတ်ကုန်အဖြစ် ထုတ်ကြတာပါ။ ဂီတာတွေကို ပုံသဏ္ဍာန်၊ အရွယ်အစားအမျိုးမျိုးနဲ့ ထုတ်တယ်။ အရွယ်အစားကတော့ လူကြီး၊ လူငယ်၊ မိန်းကလေးတွေ အားလုံးကိုင်နိုင်ဖို့ ၂၅ မျိုးလောက် ထုတ်တယ်။ ဒီဇိုင်းမှာလည်း ကောက်အိုး (ဂေါက်အိုးလို့ အသံထွက်ကြပါတယ်)၊ ကောက်ချွန်အိုး၊ ဘူးအိုး(ဘူးသီးပုံအိုး)ဆိုပြီးရှိသလို ဂီတာလုပ်တဲ့အသားပေါ် မူတည်ပြီးတော့လည်း ထင်းရှုးအိုး၊ ဖော်မီကာအိုး၊ ထွင်းအိုးဆိုပြီး ရှိပြန်တယ်။
ထွင်းအိုးဆိုတာကတော့ ကျွန်းတို့၊ သစ်မာတို့လို သစ်သားတုံးကြီးကို ဂီတာအိုးပုံစံ ထွင်းထားတဲ့ အိုးပဲ ဖြစ်ပါတယ်။ အိုးရဲ့ အတိမ်အနက်ကိုလည်း ၃ လက်မ၊ ၄ လက်မ၊ ၅ လက်မဆိုပြီး ခွဲထားသေးတယ်။ ၃ လက်မလို အနက်တိမ်တဲ့အိုးပါးမျိုးကို မိန်းကလေးတွေ အကိုင်များပြီး ၅ လက်မလို အိုးထူထူကြီးတွေကိုတော့ တကယ့်ပရော်ဖက်ရှင်နယ်ဂီတာသမားကြီးတွေ ကိုင်ကြတယ်။ ဒီနေ့ခေတ်ကတော့ ဂလိုဘယ်လိုက်ဇေးရှင်းခေတ် ဖြစ်တာကြောင့် နိုင်ငံခြားမှာ ခေတ်စားနေတဲ့ ဂီတာပုံစံဒီဇိုင်းတွေကိုပါ အင်တာနက်ကကြည့်ပြီး ချက်ချင်း လိုက်ထုတ်နိုင်နေပါပြီ။
စစ်ကိုင်းမြို့ ဂီတာလုပ်ငန်းတွေဟာ လုပ်ငန်းကြီးရင်ကြီးသလို လုပ်သားအင်အားများများနဲ့ ဂီတာလုံးရေ များများစားစားကို ထုတ်နိုင်ကြတယ်။ ၁ လကို ဂီတာလုံးရေ ၆၀၀၊ ၇၀၀ အထိ အများဆုံးထုတ်နိုင်ကြတယ်။ တနိုင်တပိုင်မိသားစုလိုက်လုပ်တဲ့ ဂီတာလုပ်ငန်းလေးတွေလည်း ရှိပြီး သူတို့ကတော့ အထွက်နည်းပါတယ်။
ဂီတာတလုံးကို အစအဆုံး ထုတ်လုပ်ပြီးလို့မှ အသံမအောင်ခဲ့တာ၊ အရည်အသွေး မမှီခဲ့တာမျိုးကလည်း ဖြစ်တတ်ပါသေးတယ်။ မြန်မာပြည်မှာကတော့ ဂီတာထုတ်တဲ့ အသေးစားလုပ်ငန်းလေးတွေလောက်သာ ဖြစ်တာကြောင့် မကောင်းတဲ့ဂီတာဆိုရင် စွန့်ပစ်ဖို့အထိ မဖြစ်နိုင်ပါဘူးလို့ စစ်ကိုင်းမြို့ခံ ဂီတာလုပ်ငန်း လုပ်ကိုင်သူတွေက ဆိုကြတယ်။ တတ်နိုင်လောက် အစအဆုံးနီးပါး ပြန်ပြင်တဲ့ အဆင့်လောက်ပဲ လုပ်နိုင်သေးတယ်။
ဂီတာတလုံးမှာ ပါဝင်တဲ့ ပစ္စည်းတွေ အရည်သွေးမြင့်ရင် မြင့်သလို ဂီတာဈေးဟာလည်း လိုက်မြင့်ပါတယ်။ စစ်ကိုင်းကထွက်တဲ့ ဂီတာတွေဟာ ဈေးအနိမ့်ဆုံး ငွေကျပ် ၁၀၀၀၀ တန်ကနေ အမြင့်ဆုံးငွေကျပ် ၂ သိန်းလောက်တန်အထိ တန်ကြေးရှိပါတယ်။
လွန်ခဲ့တဲ့နှစ် ၂၀၊ ၃၀လောက် အချိန်တွေတုန်းကတော့ ဂီတာတခုမှာ ထည့်ရမယ့် ကီးတို့၊ ဖလက်ပြားတို့လို အစိတ်အပိုင်းတွေကို စစ်ကိုင်းမြို့ပတ်ဝန်းကျင်ကနေ တံတားဦးခေါင်းကွဲတို့၊ ရွာထောင်တို့က ထုတ်လုပ်ကြတယ်။ အခု လက်ရှိအချိန်မှာတော့ ဂီတာတလုံးမှာ လိုအပ်တဲ့ သုံးထပ်ပြားတို့၊ လက်တံပိုင်းလုပ်တဲ့ သစ်သားမျိုးစုံကလွဲပြီး ပစ္စည်းအားလုံးကို တရုတ်နိုင်ငံကချည်း ယူသုံးနေရတဲ့အခြေအနေထိ ဖြစ်သွားပြီ။ ပြည်တွင်းကထုတ်တဲ့ ကုန်ကြမ်းပစ္စည်းတွေဟာ အရည်အသွေးပိုင်းမြှင့်တင်မှုမျိုး မလုပ်နိုင်ပဲ ဈေးကသာ တနှစ်ထက်တနှစ် မြင့်တက်နေတာကြောင့် ဂီတာလုပ်ငန်းသမားတွေဟာ ကုန်ကြမ်းတွေအကုန်လုံးကို တရုတ်ပြည်ကချည်း ယူသုံးနေကြရတယ်။
အခုချိန်မှာ စစ်ကိုင်းဂီတာအိုးလို့ ဆိုပေမယ့် သစ်သားနဲ့ပတ်သက်တဲ့ ဆက်စပ်ပစ္စည်းတွေနဲ့ ပြင်ဆင်မှု လုပ်အားကလွဲရင် ကျန်တာတွေအားလုံး တရုတ်ပြည်ထုတ်ပစ္စည်းတွေချည်း ဖြစ်သွားပါပြီ။
မြန်မာနိုင်ငံအနှံ့မှာ တရုတ်ပြည်ထုတ်ပစ္စည်းတွေ ဗုံးဗောလအော လွှမ်းမိုးနေသလို ပြည်တွင်းဂီတာလောကမှာလည်း တရုတ်ပြည်ထုတ်ဂီတာတွေဟာ တော်တော်ကို ထိုးဖောက်ဝင်ရောက်နေပြီ။ အိမ်နီးချင်း တရုတ်နိုင်ငံကနေ ဆိုင်ကယ်ကယ်ရီဆွဲသူတွေဟာ တနိုင်တပိုင်နဲ့ တရုတ်ဂီတာတွေကို သယ်လာရာ ကနေတဆင့် ပြည်တွင်းမှာ တရုတ်ဂီတာတွေ စတင်ပေါများလာတာဖြစ်တယ်လို့ ပြည်တွင်းက ဂီတာထုတ်လုပ်သူတွေက ဆိုကြတယ်။
တရုတ်ပစ္စည်းတွေနဲ့ ထုတ်ထားတဲ့ မြန်မာဂီတာ(စစ်ကိုင်းဂီတာ)တလုံးရဲ့ ဈေးနှုန်းနဲ့ တရုတ်ထုတ်ဂီတာတလုံးရဲ့ ဈေးနှုန်းဟာ အတူတူဖြစ်တယ်ဆိုရင်တောင် တရုတ်ဂီတာကပိုပြီး အစစအရာရာ သာလွန်နေတာကြောင့် နောက်ပိုင်းမှာ ပြည်တွင်းဖြစ်ဂီတာတွေ၊ စစ်ကိုင်းဂီတာတွေဟာ တဖြည်းဖြည်းမှေးမှိန်နိုင်ဖို့ လမ်းမြင်တွေ့နေရပါပြီ။
တကယ်တော့ ဂီတာဟာ မြန်မာလူမျိုးတွေနဲ့တော့ ရင်နှီးကျွမ်းဝင်မှု မရှိလောက်အောင် နည်းလှပါတယ်။ တချို့မိဘတွေဆိုရင် ဒီနေ့အချိန်ထိကို ဂီတာတီးရင် လမ်းသရဲဆန်တယ်ဆိုပြီး သူတို့သားသမီးတွေကို မတီးဖို့ တားမြစ်နေကြပါသေးတယ်။ အဲဒီလို တားမြစ်တာတွေကြားကပဲ ဂီတာကို တကယ်စွဲလမ်းတန်ဖိုးထားသူ၊ တီးခတ်ရတာ ၀ါသနာပါသူ ယောကျာ်းလေး၊ မိန်းကလေး၊ လူကြီးလူငယ်မရွေး အများကြီးရှိနေသေးတယ်။ လာမယ့်အနာဂတ်မှာလည်း ဂီတာချစ်သူတွေဟာ ဆက်လက်ထွက်ပေါ်နေဦးမှာဖြစ်တယ်။
အနာဂတ်ကာလတွေမှာ ဆက်တိုက်ဆက်တိုက် ထွက်ပေါ်လာဦးမယ့် ဂီတာချစ်သူတွေကို စစ်ကိုင်းဂီတာ ဆိုတာဟာ မြန်မာပြည်ဂစ်တာလောကမှာ ခန့်ခန့်ထည်ထည် တည်ရှိခဲ့ပါလားဆိုတဲ့ အသိလေးလောက် တချက်ပေးစွမ်းနိုင်ဖို့ စစ်ကိုင်းက ဂီတာထုတ်လုပ်သူ လုပ်ငန်းရှင်တွေအနေနဲ့ ဈေးကွက်မှာ ရေရှည်တောင့်ခံထားဖို့ လိုအပ်ပါတယ်။
စစ်ကိုင်းဂီတာတွေ ဘယ်အချိန်ထိ အဲ့ဒီလိုတောင့်ခံနိုင်မလဲဆိုတာကတော့ အင်မတန်မှကို စိတ်ဝင်စားစရာ ကောင်းလွန်းနေပါတယ်။
အေးမွန်ရာပြည့်