ရဟတ်ယာဉ်ဖြင့် ငြှိမ်းသတ်နေရသည့် ကယ်လီဖိုးနီးယား တောမီး (ရုပ်သံ)

အမေရိကန်ပြည်ထောင်စု ကယ်လီဖိုးနီးယားပြည်နယ်ထဲက ၀ါးတားမင်း တောင်ကြားဒေသမှာ တောမီး လောင်ကျွမ်းနေတာကို မီးသတ်သမားတွေက ငြှိမ်းသတ်နေရပါတယ်။ လူနေအိမ်တွေ အနီးအနားမှာ လောင်ကျွမ်းနေတဲ့ တောမီးကို ငြှိမ်းသတ်ဖို့ ရဟတ်ယာဉ်တွေပေါ်ကနေ ရေဖျန်းချနေတဲ့ အချိန်မှာ အနီးအနားက လမ်းမတွေကိုလည်း ပိတ်ထားရပါတယ်။ အန်ဘီစီသတင်းအရ မီးလောင်ရတဲ့ အကြောင်းရင်းကို စုံစမ်းဆဲဖြစ်ပြီး အိမ်တွေ ပျက်စီးတာ၊ ဒဏ်ရာရတဲ့အထိ အခြေအနေ မဆိုးဘူးလို့ ဆိုပါတယ်။ အမေရိကန်နိုင်ငံ အနောက်ပိုင်းဒေသမှာ အပူချိန်မြင့်မားတာ၊ စိုထိုင်းဆ နိမ့်ပါးတာ၊ လေပြင်းတိုက်နေတာကြောင့် မီးသတ်သမားတွေဟာ နေရာအတော်များများမှာ တောမီးလောင်ကျွမ်းမှုတွေကို ငြှိမ်းသတ်နေရပါတယ်။ ကယ်လီဖိုးနီးယားပြည်နယ်မှာ ၄ နှစ်ဆက်တိုက် မိုးခေါင်ခဲ့တာကြောင့် တောမီးလောင်ကျွမ်းတာ အခြေအနေ ဆိုးနိုင်တယ်လို့လည်း ကျွမ်းကျင်သူတွေက ခန့်မှန်းထားပါတယ်။

More News
Up