ညောင်ဦးတွင် တောဆင်ရိုင်း ရန်ပြုမှုကြောင့် ဒေသခံ ၁ ဦး သေဆုံး (ဓာတ်ပုံ)

ညောင်ဦးမြို့နယ်ထဲမှာ တောဆင်ရိုင်းတွေက ရန်ပြုတာကြောင့် လူငယ်တဦး သြဂုတ်လ ၂၄ ရက်နေ့ မနေ့က သေဆုံးသွားတယ်လို့ သိရပါတယ်။ ငါသရောက်မြို့နယ်ထဲက ဆင်လူးအိုင်ကွင်းအနီးမှာ အသက် ၃၀ ကျော်အရွယ်  မောင်ဖိုးပိုင်က ဆင်တွေကို အနီးကပ် ဓာတ်ပုံရိုက်ဖို့ ကြိုးစားစဉ် နှာမောင်းနဲ့ ကိုင်ရိုက်ခံရတာကြောင့်  ခြေထောက် ၂ ဖက်ကျိုး၊ လက် ၂ ဖက်ကျိုး ၀မ်းဗိုက်ပေါက် ဒဏ်ရာ ရရှိခဲ့ပြီး၊  တောင်ဇင်းဆေးရုံသို့ ပို့ဆောင်ပေးခဲ့ပေမယ့်  နေ့လည်ပိုင်းမှာ သေဆုံးသွားတယ်လို့ သိရပါတယ်။ လမ်းပျောက်နေတဲ့ တောဆင်ရိုင်း ၆ ကောင်ဟာ သြဂုတ် ၂၂ ရက်ညပိုင်းမှာ ကျောက်ပန်းတောင်းမြို့နယ်၊ လက်ပံပြားရွာနားကို ရောက်ရှိလာကြပြီး သြဂုတ်လ ၂၃ ရက်နေ့ မနက်ပိုင်းမှာတော့ ပုပ္ပါးဘက်ကို ထွက်ခွာသွာကြတယ်လို့ လက်ပံပြား ရဲစခန်းမှူးက ဒီဗွီဘီကို ပြောဆိုခဲ့ပါတယ်။ ဓာတ်ပုံ - အာကာမင်း  

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up