ဘန်ကောက်ဗုံးကွဲမှု သတင်းပေးသူ ဘတ် ၂ သန်းပေးမည်ဟု ရှပ်နီခေါင်းဆောင် ပြော

ဓာတ်ပုံ - ရိုက်တာ
ထိုင်းအစိုးရအတိုက်အခံ ရှပ်နီပါတီခေါင်းဆောင်က သြဂုတ် ၁၇ ရက်နေ့မှာ ဖြစ်ပွားခဲ့တဲ့ ဘန်ကောက်မြို့လယ်၊ ဧရာဝဏ်နတ်ကွန်းအနီးက ဗုံးပေါက်ကွဲမှု သတင်းအချက်အလက် ပေးနိုင်သူကို ဘတ်ငွေ ၂ သန်း ဆုချမယ်လို့ ပြောပါတယ်။ ထိုင်းရဲတပ်ဖွဲ့ကလည်း တရားခံဖမ်းဆီးရမိဖို့ ဘတ်ငွေ ၁ သန်း ဆုချမယ်လို့ ထုတ်ပြန်ခဲ့ပါတယ်။ အာဏာရှင်ဆန့်ကျင်ရေး ဒီမိုကရေစီရှေ့ဆောင်တပ်ပေါင်းစု (ယူဒီဒီ) ခေါင်းဆောင် ဆွန်ဝမ် အက်ဆရာဆီဟာ ယခင်ကုန်သွယ်ရေးဝန်ကြီးဟောင်း နတ်တ၀ပ်ဆိုင်ကူရာရဲ့ အတွင်းရေးမှူးဖြစ်ခဲ့ပြီး လျှပ်စစ်ပစ္စည်းထုတ်လုပ်ရေး ကုမ္ပဏီတခုကို ပိုင်ဆိုင်ထားတာ ဖြစ်ပါတယ်။ ထိုင်းနိုင်ငံမှာ ဆိုးဆိုးရွားရွား ထိခိုက်ခဲ့တဲ့ ဒီဗုံးပေါက်ကွဲမှုအတွက် ဆုငွေထုတ်ပြန်တာဖြစ်ပြီး သတင်းပေးနိုင်တဲ့သူကို သူကိုယ်တိုင်ဆုချီးမြှင့်မယ်လို့ ဘန်ကောက်ပို့စ်သတင်းစာကို အခုလို ပြောဆိုလိုက်တာပါ။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up