အာဆင်နယ်အသင်း ပရီးမီးယားလိဂ် ပွဲဦးထွက် ရှုံးနိမ့်

ဓာတ်ပုံ - ရိုက်တာ
သြဂုတ် ၉ ရက်နေ့က ယှဉ်ပြိုင်သွားတဲ့ ပရီးမီးယားလိဂ် ပွဲစဉ်မှာ အာဆင်နယ်အသင်းဟာ ပွဲဦးထွက်မှာပဲ ရှုံးပွဲ တွေ့သွားပါတယ်။ အိမ်ကွင်းမှာ ယှဉ်ပြိုင်တဲ့ ဒီပွဲမှာ အာဆင်နယ်က ၀က်စ်ဟမ်းကုို ၂ ဂိုး ဂိုးမရှိနဲ့ ရှုံးနိမ့်ခဲ့တာပါ။ ဒီပွဲမှာ အာဆင်နယ်က ဘောလုံးပုိုင်ဆုိုင်မှု ၆၂ ရာခုိုင်နှုန်းအထိ ရှိခဲ့သလုို ထုိုးဖောက် ကန်သွင်းခွင့်တွေလည်း ပုိုရခဲ့တာပါ။ ၀က်စ်ဟမ်းက ရတဲ့ အခွင့်အရေးကုို အသုံးချနုိုင်လုို့ အနုိုင်ရသွားတာ ဖြစ်ပါတယ်။ အာဆင်နယ်မှာ ပီတာချက် ပွဲထွက် ဂိုးသမားအနေနဲ့ ပါဝင် ကစားသွားပြီး ဂိုးတွေ ပေးလုိုက်ရတာပါ။ ၀က်စ်ဟမ်းကတော့ နည်းပြသစ် ဘီလစ် လက်ထက် ပရီးမီးယားလိဂ် ပွဲစဉ်မှာ ပထမဆုံး အနုိုင်ရတာ ဖြစ်ပါတယ်။ တခြား ပွဲစဉ်တွေမှာတော့ နယူးကာဆယ်က ဆောက်သမ်တန်နဲ့ ၂ ဂိုးစီသရေကျပြီး လီဗာပူးက အဝေးကွင်းမှာ စတုတ်စီးတီးကုို ၁  ဂိုးတည်းနဲ့ အနုိုင်ရသွားပါတယ်။ လီဗာပူးအတွက် တလုံးတည်းသော အနုိုင်ဂုိုးကုို ကော်တင်ဟုိုက ပွဲပြီးကာနီးမှာ သွင်းယူခဲ့ပါတယ်။ ဒီပွဲမှာ လီဗာပူး အသင်းခေါင်းဆောင် ဟန်ဒါဆန် ခြေစွမ်းပြနုိုင်လုို့ ဒီပွဲရဲ့ အကောင်းဆုံး ကစားသမားအဖြစ်လည်း သတ်မှတ်ခြင်း ခံခဲ့ရပါတယ်။

More News
Up