ရေဘေး ကြောင့် သေဆုံးသူ ၇၀ ခန့် ရှိပြီ

နိုင်ငံတဝန်း တုိုင်းနဲ့ပြည်နယ် ၁၂ ခုမှာ ဖြစ်ပွားနေတဲ့ မုိုးကြီးရေလျှံတာကြောင့် ဇူလုိုင် အစောပိုင်းကစပြီး သြဂုတ် ၄ ရက်နေ့အထိ လူဦးရေ ၇၀ နီးပါးသေဆုံးခဲ့ပြီး လူဦးရေ ၂ သိန်း ၆ သောင်းကျော် ရေဘေးသင့်ခဲ့ရပါတယ်။ ရခုိုင်ပြည်နယ်မှာ ရေဘေးသင့်သူ ၁ သောင်း ၃ ထောင်ကျော်ရှိပြီး ၄၇ ဦး သေဆုံးသလို ဧရာဝတီမှာ ၁ ဦး၊ စစ်ကုိုင်းတုိုင်းမှာ ၇ ဦး၊ ကချင်ပြည်နယ်မှာ ၁ ဦး၊ ရှမ်းပြည်နယ်မှာ ၅ ဦး၊ မန္တလေးတုိုင်းမှာ ၈ ဦး၊ စုစုပေါင်း ၆၉  သေဆုံးခဲ့တယ်လို့ အစုိုးရက သြဂုတ်လ ၄ ရက်နေ့မှာ ထုတ်ပြန်ထားပါတယ်။ ရေဘေးသင့်သူတွေအတွက် ဆန်ရိက္ခာတန်ဖိုးငွေကျပ် ၃၉၈ သိန်းကျော်၊ အရေးပေါ်အစားအစာ တန်ဖိုး ငွေကျပ် ၁၅၅ သိန်းကျော်၊ အိမ်ဆောက်ပစ္စည်းတန်ဖိုး ငွေကျပ် ၄၄၉ သိန်း၊ ကယ်ဆယ်ရေး ပစ္စည်းတန်ဖိုး ငွေကျပ် ၉၆၈ သိန်းကျော်နဲ့ သေဆုံးမှု ထောက်ပံ့ကြေး ငွေကျပ် ၁၈ သိန်း စုစုပေါင်း တန်ဖိုးငွေကျပ် ၁၉၀၀ ကျော်ကို ထောက်ပံ့ခဲ့ကြောင်း အစုိုးရက ထုတ်ပြန်ထားပါတယ်။ ရေကြီးရေလျှံတာတွေကြောင့် တံတား၊ လမ်း နဲ့ တိရစ္ဆာန်စတာတွေ ပျက်စီးခဲ့ပြီး ခန့်မှန်းတန်ဖိုး ကျပ်သန်းပေါင်း ၁ သောင်းနီးပါး ဆုံးရှုံးခဲ့တယ်လို့ လယ်ယာစိုက်ပျိုးရေးနဲ့ ဆည်မြောင်း ၀န်ကြီးဌာနက သြဂုတ် ၂ ရက်မှာ သတင်းထုတ်ပြန်ပါတယ်။ တိုင်းနဲ့ပြည်နယ် ၁၀ ခုမှာ ဆုံးရှုံးတာကို ထုတ်ပြန်တာဖြစ်ပြီး ရခိုင်ပြည်နယ်မှာ ကျပ်သန်းပေါင်း ၇ ထောင်လောက် ဆုံးရှုံးခဲ့တာဖြစ်ပါတယ်။ ဒုတိယအများဆုံးဖြစ်တဲ့ ရှမ်းပြည်နယ်မှာတော့ တံတားတစင်းနဲ့ ကျောက်လမ်း ၇ မိုင်ပျက်စီးခဲ့ပြီး ခန့်မှန်းတန်ဖိုး ကျပ်သန်းပေါင်း ၁ ထောင်လောက် ဆုံးရှုံးတယ်လို့ ထုတ်ပြန်ထားတာပါ။ သြဂုတ် ၂ ရက်နေ့အထိ သိရတဲ့ သတင်းတွေအရ ဆည်ပေါင်း ၃၉ ခုမှာ သတ်မှတ်ရေလှောင်ပမာဏ ပြည့်သွားတဲ့အတွက် ရေပိုလွှဲတွေကနေ ရေကျော်နေတယ်လို့လည်း လယ်ယာစိုက်ပျိုးရေးနဲ့ ဆည်မြောင်း ၀န်ကြီးဌာနက သတင်းထုတ်ပြန်ထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up