မြန်မာနိုင်ငံက ရေဘေးဒုက္ခသည်တွေအတွက် ထိုင်းနိုင်ငံ တီဘီစီ (ထိုင်းမြန်မာနယ်ခြား ကော်မတီ) က ထောက်ပံ့ကူညီရေးပစ္စည်းတွေ လာရောက်ပေး အပ်ခဲ့ပါတယ်။ သြဂုတ်လ ၂ ရက်နေ့က ထိုင်းနိုင်ငံဘက်က နယ်ခြားကော်မတီဥက္ကဋ္ဌနဲ့  တာဝန်ရှိသူတွေ ရောက်လာပြီး ဘတ် ၅ သောင်းကျော် တန်ဘိုးရှိတဲ့ ထောက်ပံ့ရေးပစ္စည်းတွေ ပေးအပ်ခဲ့တယ်လို့ တာချီလိတ်ခရိုင်အုပ်ချုပ်ရေးမှူး ဦးတင်ဝင်းရွှေက ဒီဗွီဘီကို ပြောပါတယ်။ “ထိုင်းဘက်က တီဘီစီဥက္ကဋ္ဌက ကျနော်တို့ တာချီလိတ်ခရိုင် စစ်ဗျူဟာမှူးကို အကြောင်းကြား ပါတယ်ခင်ဗျ။ ကျနော်တို့ကလည်း တာဝန်ရှိသူတွေနဲ့ မယ်ဆိုင်ချစ်ကြည်ရေး တံတား ရွှေနန်းတော် ကုန်တိုက်မှာ သွားပြီးလက်ခံခဲ့ပါတယ်။ အားလုံးပေါင်း ဘတ် ၅ သောင်းကျော်ခန့်ပေါ့။ စောင်တွေပါတယ်။ စားစရာ ခေါက်ဆွဲခြောက် သောက်ရေသန့်ဗူးတွေ ပါပါတယ်။ သူတို့ရဲ့ကားနဲ့ဘဲ ကျနော်တို့တာချီလိတ်က နီးစပ်ရာ ရေဘေးကယ်ဆယ်ရေး အလှူခံဌာနကို ပေးအပ်ခဲ့ပါတယ်။” တီဘီစီဟာ ဆက်လက်ပြီးတော့လည်း ထောက်ပံ့ကူညီရေးပစ္စည်းတွေ ကောက်ခံနေတယ်လို့ သူကဆက်ပြောပါတယ်။ တာချီလိတ်မြို့မှာလည်း ရေကြီးရေလျှံမှုကို နှစ်တိုင်းကြုံခဲ့ရတဲ့အတွက် သတိထားပြီး  အစစ အရာရာ ကြိုတင်ပြင်ဆင်ထားတယ်လို့ ခရိုင်အုပ်ချုပ်ရေးမှူးက ပြောသွားပါတယ်။   ဓာတ်ပုံ - မန်နေဂျာအွန်လိုင်း