အမျိုးသမီးများအတွက် နိုင်ငံရေးဆိုင်ရာ အခွင့်အရေးများ
DVB
·
June 14, 2011
ကမ္ဘာ့နိုင်ငံအသီးသီးက လူသားတွေအကြားမှာ လူမျိုးတွေ ဘယ်လိုပဲ ကွဲပြားကွဲပြား၊ ယဉ်ကျေးမှု ထုံးတမ်းစဉ်လာတွေ ဘယ်လိုပဲ ခြားနားခြားနား၊ တူညီတာတခုတော့ ရှိပါတယ်။ အဲဒါကတော့ လူသားတိုင်းမှာ ရှိတဲ့ မွေးရာပါ လူ့အခွင့်အရေးပါ။ သည်မွေးရာပါအခွင့်အရေးအရ လူသားတိုင်းဟာ မိမိ ကံကြမ္မာကို မိမိကိုယ်တိုင်စီမံဖန်တီးခွင့်၊ လွတ်လပ်စွာ တွေးခေါ်ခွင့်နဲ့ လွတ်လပ်စွာ ပြောဆိုခွင့်တွေကို ရရှိခံစားရမှာ ဖြစ်ပါတယ်။
သည်မွေးရာပါ လူ့အခွင့်အရေးတွေကို လူသားတိုင်း ရရှိခံစားဖို့ အလွန်အရေးကြီးပါတယ်။ ဒါကြောင့်လည်း သက်ဆိုင်ရာ နိုင်ငံအစိုးရများရဲ့ အဓိကလုပ်ငန်းတာဝန်တွေထဲမှာ လူသားတွေရဲ့ ရပိုင်ခွင့်တွေကို ကာကွယ် စောင့်ရှောက်ရမယ်ဆိုတဲ့ အချက်တချက် ပါဝင်နေတာပါ။
ဘာကြောင့်လဲဆိုတော့ လူသားတွေဟာ မွေးရာပါအခွင့်အရေးတွေကို ရရှိပါမှ သူ့မှာကိန်းအောင်းနေတဲ့ စွမ်းအားတွေကို ပြည့်ပြည့်ဝဝအသုံးချနိုင်ပြီး ဖွံ့ဖြိုးတိုးတက်လာမှာ ဖြစ်လို့ပါပဲ။ လူ့စွမ်းအားတွေ တိုးတက် ဖွံ့ဖြိုးလာတာနဲ့အမျှ လူ့အဖွဲ့အစည်းရဲ့ အဆင့်အတန်းကလည်း ရေမြင့်ရင် ကြာတင့် ဆိုသလို မြင့်မားလာမှာဖြစ်ပါတယ်။ ဒါကြောင့် လူ့အဖွဲ့အစည်း ရှင်သန်တိုးတက်ရေးအတွက် လူတိုင်း လူတိုင်း လူ့အခွင့်အရေးရရှိခံစားဖို့ အလွန်အရေးကြီးပါတယ်။
လူ့အခွင့်အရေးရရှိဖို့ ဆိုတာမှာ အမျိုးသားတွေရော၊ အမျိုးသမီးတွေပါ တန်းတူအခွင့်အရေး ရဖို့က အရေးကြီးလာပါတယ်။ ဘာဖြစ်လို့လဲဆိုတော့ နိုင်ငံတော်လူဦးရေတွေရဲ့ တဝက်ကျော်ဟာ အမျိုးသမီးများ ဖြစ်နေလို့ပါပဲ။ အမျိုးသမီးများ လူ့အခွင့်အရေး မရတာဟာ သက်ဆိုင်ရာ လူ့အဖွဲ့အစည်းရဲ့လူဦးရေတဝက် လူ့အခွင့်အရေးမရတာနဲ့ အတူတူပါပဲ။ ထပ်ဆင့်တွက်ချက်လိုက်ရင် သက်ဆိုင်ရာ လူ့အဖွဲ့အစည်းရဲ့ လူဦးရေတဝက်ကို စွမ်းအားကင်းမဲ့အောင် လုပ်နေတာနဲ့ အတူတူပါပဲ။
ဒါကြောင့် နိုင်ငံတခု ဖွံ့ဖြိုးတိုးတက်ဖို့အတွက် အမျိုးသမီးများအနေနဲ့ ကိုယ့်ကြမ္မာကိုယ်ဖန်တီးနိုင်မယ့် လူ့အခွင့်အရေးတွေရရှိဖို့ အလွန်လိုအပ်လှပါတယ်။
“အမျိုးသမီးတွေဟာ လူ့အဖွဲ့အစည်းရဲ့ အစိတ်အပိုင်းတွေဖြစ်တယ်” ဆိုတာ သိရှိ လက်ခံလာကြတာနဲ့အမျှ ကမ္ဘာတဝှမ်းမှာ အမျိုးသမီးအခွင့်အရေး လှုပ်ရှားမှုတွေ အများအပြား ပေါ်ပေါက်ခဲ့ပါတယ်။ အမျိုးသမီးလှုပ်ရှားမှုတွေဟာ ၁၇ ရာစုနဲ့ ၁၈ ရာစုနှစ်တွေမှာ အမေရိကန် ပြည်ထောင်စုနဲ့ ဥရောပတိုင်းပြည်တွေမှာ အစပြုခဲ့ပြီး ၂၀ ရာစုရောက်တဲ့အခါမှာ အာရှနဲ့အာဖရိကနိုင်ငံများကို ပျံ့နှံ့သွားခဲ့ပါတယ်။
နိုင်ငံရေးအခွင့်အရေးဆိုတာ မဲပေးပိုင်ခွင့်၊ ရွေးကောက်ပွဲတွေမှာ ဝင်ရောက်ယှဉ်ပြိုင် အရွေးခံနိုင်ခွင့်နဲ့ တရားမျှတသော ရွေးကောက်ပွဲ စတာတွေနဲ့ ပတ်သက်တဲ့ အခွင့်အရေးများ ဖြစ်ပါတယ်။ ဥပဒေရေးဆိုင်ရာ အခွင့်အရေး ဆိုတာကတော့ မျှတသော တရားစီရင်ရေးစနစ်၊ မြေယာပိုင်ဆိုင်မှု အခွင့်အရေး စတာတွေနဲ့ ပတ်သက်ပါတယ်။
ကမ္ဘာတဝှမ်းမှာရှိတဲ့ နိုင်ငံတော်တော်များများမှာ အမျိုးသမီးတွေဟာ မဲပေးပိုင်ခွင့်အတွက် ခက်ခက်ခဲခဲ လှုပ်ရှားပြီးမှ အောင်မြင်မှုတွေ ရရှိခဲ့ရပါတယ်။ နယူးဇီလန်နိုင်ငံဟာ အမျိုးသမီးများ မဲပေးပိုင်ခွင့်ကို ၁၈၉၃ ခုနှစ်မှာ ပထမဦးဆုံး ခွင့်ပြုပေးခဲ့တဲ့ နိုင်ငံတခုပါ။ ၂၀ ရာစုကာလတလျှောက် နိုင်ငံပေါင်းများစွာမှာ လှုပ်ရှားမှုတွေ ဆက်တိုက်ပေါ်ပေါက် အောင်ပွဲဆင် နိုင်ခဲ့ကြပေမယ့် တချို့နိုင်ငံများက အမျိုးသမီးတွေမှာတော့ ဒီအခွင့်အရေးကို ယခုထိ မရကြသေးရှာပါဘူး။
ဘရူနိုင်းနဲ့ ဗာတီကန်စင်တီးတို့မှာ အမျိုးသမီးတွေရဲ့ မဲပေးပိုင်ခွင့်ကို ကန့်သတ်ထားပါတယ်။ အမျိုးသမီးများ ရွေးကောက်ပွဲဝင်ရောက် ယှဉ်ပြိုင်နိုင်ခွင့်မှာလည်း ဒီအတိုင်းပါပဲ။ အိန္ဒိယ၊ အင်ဒိုနီးရှား၊ သီရိလင်္ကာ၊ နယူးဇီလန်၊ ဖိလစ်ပိုင် စတဲ့ နိုင်ငံပေါင်းများစွာမှာ အမျိုးသမီး နိုင်ငံတော် အကြီးအကဲတွေ ပေါ်ပေါက်ခဲ့ပေမယ့် အမျိုးသမီးများကို နိုင်ငံရေးဇာတ်ခုံပေါ် မရောက်အောင် ပိတ်ပင်တားဆီးနေတဲ့ နိုင်ငံများစွာလည်း ရှိနေပါသေးတယ်။
တကယ်တော့ အမျိုးသမီးတွေကို မဲပေးပိုင်ခွင့် ပေးခြင်းအားဖြင့် နိုင်ငံတော်အစိုးရရဲ့ လူထုကို ကိုယ်စားပြုမှုအရည်အသွေးဟာ မြင့်တက်လာပါတယ်။ အစိုးရတရပ်ဟာ လူထုကို ကိုယ်စားပြုရမှာ ဖြစ်တဲ့အတွက် အမျိုးသမီးတွေရဲ့ မဲပေးပိုင်ခွင့်နဲ့ ရွေးကောက်ပွဲပါဝင်ခွင့်တွေကို ကန့်သတ်ထားတဲ့အစိုးရကို လူထုအားလုံးကို ကိုယ်စားပြုတဲ့အစိုးရလို့ မသတ်မှတ်နိုင်ပါဘူး။
မဲပေးပိုင်ခွင့်အပြင် အမျိုးသမီးတွေကို ရွေးကောက်ပွဲမှာ ပါဝင်ယှဉ်ပြိုင်ခွင့်၊ နိုင်ငံရေးဇာတ်ခုံမှာ ပါဝင်ဆောင်ရွက်ခွင့်ပေးခြင်းဟာလည်း အကျိုးကျေးဇူးတွေ အများကြီး ရရှိစေပါတယ်။ နိုင်ငံရေးရာမှာ အမျိုးသမီးတွေ ပါဝင်လာတာဟာ နိုင်ငံရေးဆိုင်ရာ ဆုံးဖြတ်ချက်တွေရဲ့ အရည်အသွေးကို မြင့်တက်လာစေပါတယ်။
နိုင်ငံရေးသိပ္ပံပညာရှင် နော်ဒါလ်ဗာလ် ဆိုခဲ့သလိုပဲ အမျိုးသမီးတွေ နိုင်ငံရေးဇာတ်ခုံမှာ ပါဝင်စေတာဟာ အမျိုးသမီးတွေရဲ့ အမြင်သစ်တွေ၊ အရည်အချင်းတွေနဲ့ စွမ်းဆောင်ရည်တွေကို အသုံးပြုခွင့်ရရှိလာတာပဲ ဖြစ်ပါတယ်။ ဒီလိုကွဲပြားတဲ့အမြင်တွေကို ဖော်ထုတ်ခွင့်ပေးတာဟာ ကြံဆတီထွင်တာကို အားပေးတာဖြစ်တဲ့အတွက် တိုးတက်မှုကို ဦးတည်စေတဲ့ လက္ခဏာတရပ်ဖြစ်ပါတယ်။
ဒါတင်မကဘဲ တခြား အမျိုးသမီးတွေရဲ့ စိတ်အင်အားကို တိုးမြှင့်ပေးတာကြောင့် ကြိုးစားချင်စိတ်၊ တိုးတက်ချင်စိတ်တွေ ဖြစ်ပေါ်လာစေပါတယ်။။ နိုင်ငံတော်ရဲ့ လူဦးရေ တဝက်ကျော်မှာ တိုးတက်အောင် ကြိုးစားချင်စိတ်တွေ ဖြစ်ပေါ်လာတာဟာ လူ့ဘောင်တခုလုံးရဲ့ တိုးတက်မြင့်မားရေးအတွက် တကယ့်အ ထောက်အကူကြီး တခုပါပဲ။
မြန်မာနိုင်ငံမှာ အမျိုးသမီးတွေဟာ တရားဝင်မဲပေးခွင့်ရှိပါတယ်။ လွတ်လပ်ရေး ရပြီးစကာလက မြန်မာအမျိုးသမီးများဟာ လွှတ်တော်အမတ်များအဖြစ် နိုင်ငံရေးတာဝန်တွေ ထမ်းဆောင်ခဲ့ကြပါတယ်။ ဒါပေမယ့် ဗိုလ်ချုပ်ကြီးနေဝင်းခေါင်းဆောင်တဲ့ စစ်အာဏာရှင်အုပ်စုက နိုင်ငံတော်အာဏာကို သိမ်းပိုက်ပြီး နောက်ပိုင်းမှာ အမျိုးသမီးများရဲ့ နိုင်ငံရေးအခွင့်အရေးတွေ ဆုံးရှုံးသွားခဲ့ရပါတယ်။
၁၉၉၀ ခုနှစ်မှာ မဲပေးခွင့်နဲ့ ရွေးကောက်ပွဲ ဝင်ရောက်ယှဉ်ပြိုင်နိုင်ခွင့်တွေ ရှိခဲ့ပေမယ့်လည်း အနိုင်ရတဲ့ ရွေးကောက်ခံ ကိုယ်စားလှယ်တွေကို အာဏာသိမ်းစစ်အစိုးရက အာဏာ မလွှဲပေးခဲ့ပြန်ပါဘူး။ စစ်အစိုးရ ကျင်းပခဲ့တဲ့ အမျိုးသားညီလာခံမှာလည်း ကိုယ်စားလှယ် ၁၀၈၀ ယောက်မှာ အမျိုးသမီး (၆၇) ယောက်သာ ပါဝင်ခဲ့ပါတယ်။ ကမ္ဘာတဝှမ်းက အစိုးရအဖွဲ့ဝင်တွေမှာ အမျိုးသမီးတွေ ပါဝင်နေပေမယ့် မြန်မာနိုင်ငံကို အုပ်ချုပ်နေတဲ့ စစ်အစိုးရထဲမှာ အမျိုးသမီးအစိုးရအဖွဲ့ဝင် မပါရှိပါဘူး။
ဒါကြောင့် မြန်မာအမျိုးသမီးတွေဟာ နိုင်ငံရေးဆိုင်ရာ အခွင့်အရေးတွေဖြစ်တဲ့ မဲပေးပိုင်ခွင့်၊ ရွေးကောက်ပွဲဝင်ရောက်ယှဉ်ပြိုင်ခွင့်၊ တရားမျှတတဲ့ ရွေးကောက်ပွဲနဲ့ အစိုးရအဖွဲ့ဝင်အဖြစ် တာဝန်ထမ်းဆောင်ခွင့် စတာတွေကို ပီပီပြင်ပြင် ခံစားခွင့်မရခဲ့ကြဘူးဆိုတာ ထင်ရှားနေပါတယ်။ ဒီလိုအခွင့်အရေးတွေ ဆုံးရှုံးနေတာဟာ မြန်မာ့လူ့ဘောင် ဖွံ့ဖြိုးတိုးတက်ရေးကို အများကြီး နှောင့်နှေးစေပါတယ်။
ဒါကြောင့် မြန်မာ့လူ့အဖွဲ့အစည်း တိုးတက်ရေးအတွက် အမျိုးသမီးတွေရဲ့ နိုင်ငံရေးဆိုင်ရာ အခွင့်အရေးတွေနဲ့ ဥပဒေရေးဆိုင်ရာ အခွင့်အရေးတွေကို ဝိုင်းဝန်းမြှင့်တင်ကြရပါမယ်။