အင်္ဂလန် တတိယတန်း လိဂ်ဝမ်းက ရှက်ဖီးယူနိုက်တက် ကလပ်အသင်းမှာ ကစားနေတဲ့ ကရင်ဘောလုံးသမား ကလယ်ဟဲကို မြန်မာနိုင်ငံကိုယ်စားပြုကစားနေရေးအတွက် ညှိနှိုင်းနေတယ်လို့ မြန်မာနိုင်ငံ ဘောလုံးအဖွဲ့ချုပ် (အမ်အက်ဖ်အက်ဖ်)က ထုတ်ပြန်ပါတယ်။ ဆွေးနွေးမှုတွေ ပြုလုပ်ပြီးတဲ့နောက် ကလယ်ဟဲက မိဘတွေ ကိုယ်စားလှယ်တွေနဲ့ တိုင်ပင်ပြီး မြန်မာကို ကိုယ်စားပြုမပြုကို ရက်ပိုင်းအတွင်းအကြောင်းပြန်ကြားမယ်လို့ အမ်အက်ဖ်အက်ဖ် လူမှုရေးကွန်ရက် ဖေ့ဘွတ်ခ်စာမျက်နှာမှာရေးသားထားပါတယ်။ ကလယ်ဟဲ မြန်မာနိုင်ငံ ကိုယ်စားပြုတဲ့ကိစ္စ အောင်မြင်မှုရရှိပါက လက်ရွေးစင်အသင်းရဲ့ နည်းပြချုပ် ရွေးချယ်မှုအတိုင်း အမ်အက်ဖ်အက်ဖ်က ဆောင်ရွက်သွားမယ်လို့ ဆိုပါတယ်။ မြန်မာဘောလုံး ပရိသတ်တွေဟာ အသက် ၁၉ နှစ်ရှိ ကလယ်ဟဲကို စိတ်ဝင်စားနေသလို သူဟာ အင်္ဂလန် ပတ်စ်ပိုစ်ကိုင်ဆောင်ထားသူလည်း ဖြစ်ပါတယ်။ ပြီးခဲ့တဲ့ ရက်ပိုင်းမှာပဲ ရှက်ဖီးယူနိုက်တက် အသင်းကြီးက ကလယ်ဟဲကို စာချုပ်ချုပ်ဆိုခေါ်ယူထားပါတယ်။