ဒီမာရီယာ အသင်းပြောင်းရန် နီးစပ်ဟု ပီအက်စ်ဂျီ နည်းပြပြော
DVB
·
July 27, 2015
အင်္ဂလန်ပရီးမီးယားလိဂ် မန်ချက်စတာ ယူနိုက်တက် အသင်းက ကွင်းလယ်သမား အန်ဂျယ် ဒီမာရီယာဟာ မန်ယူကို စွန့်ခွာပြီး အသင်းပြောင်းဖို့ နီးစပ်နေပြီလို့ ပြင်သစ်ကလပ် ပီအက်စ်ဂျီ နည်းပြ လောရန် ဘလန့်က ပြောဆိုလိုက်ပါတယ်။
ဒီမာရီယာအနေနဲ့ အသင်းနဲ့ စာချုပ် လက်မှတ်ထိုးဖို့ ဖြစ်နိုင်ချေ များနေပြီး တရားဝင် လုပ်ဆောင်တာတော့ မရှိသေးပါဘူးလို့ ပီအက်စ်ဂျီ နည်းပြ ဘလန့် ပြောပါတယ်။
ပြင်သစ်သတင်းစာ တစောင်ကတော့ မန်ယူက အသက် ၂၇ နှစ်အရွယ် ဒီမာရီယာကုို ပေါင် ၄၆ သန်းနဲ့ ပီအက်စ်ဂျီကုို ရောင်းဖုို့ သဘောတူလုိုက်ပြီလုို့ ခန့်မှန်းထားပါတယ်။
အာဂျင်တီးနား ကွင်းလယ်သမားဟာ မူလက ခြေစစ်ပွဲ ခရီးစဉ်မှာ မန်ယူအသင်းနဲ့ သွားရောက် ပူးပေါင်းဖို့ ရှိနေပေမယ့်လည်း ပျက်ကွက်ခဲ့ပါတယ်။
မန်ယူက ဒီမာရီယာကို စပိန်လာလီဂါ ရီးရဲလ်မက်ဒရစ်ကနေ ပြီးခဲ့တဲ့ရာသီက အသင်းရဲ့ စံချိန်တင် ပြောင်းရွှေ့ကြေး ပေါင် သန်း ၆၀ နီးပါးနဲ့ ခေါ်ယူထားတာပါ။
ဒါပေမယ့်လည်း မန်ယူအသင်းမှာ အံမ၀င်တဲ့အပြင် ခြေစွမ်း မပြနိုင်တဲ့အတွက် အသင်းပြောင်းဖုို့ ဖြစ်လာတာပါ။
