လူမပြောင်းတဲ့ အစိုးရအဖွဲ့သစ် မူရော ပြောင်းနေကြပြီလား
DVB
·
May 26, 2011
အခုဆိုရင် သမ္မတ ဦးသိန်းစိန် ခေါင်းဆောင်တဲ့ အစိုးရ အဖွဲ့သစ် တက်လာတာ တလခွဲကာလ ရှိပါပြီ။ ၄၅ ရက်တာကာလဟာ အစိုးရအဖွဲ့သစ်တစ်ခုကို စောင့်ကြည့်သုံးသပ်ဖို့ လုံလောက်တဲ့ အချိန်မဟုတ်သေးပေမယ့် အခြေအနေတခုကိုတော့ သုံးသပ် ရနိုင်ပြီလို့ ပြောဆိုနိုင်ပါတယ်။ အခုဆိုရင် ပြန်ကြားရေးနဲ့ ယဉ်ကျေးမှုဝန်ကြီး ဦးကျော်ဆန်းရဲ့ ပုံတွေဟာ နေ့စဉ် လိုလို ပြည်တွင်း မီဒီယာတွေမှာ တွေ့မြင်နေရပြီး စာနယ်ဇင်းလွတ်လပ်ခွင့်နဲ့ဆိုင်တဲ့ စကားတွေကိုလည်း ရောက်ရာနေရာတွေမှာ ပြောဆိုနေပါတယ်။ အလားတူ စီးပွားကူးသန်း ဝန်ကြီးဖြစ်လာတဲ့ ဦးဝင်းမြင့်ဟာလည်း ရဲရဲတောက်စကားတွေ ပြောဆိုနေတာ ကြားနေရပါတယ်။ ဒါတင်မက လယ်ဆယ်ဝန်ကြီး၊ စာတိုက်နဲ့ ကြေးနန်းဝန်ကြီးတွေရဲ့ လုပ်ရပ်တွေဟာလည်း ခုတလော မီဒီယာကို တက်လာနေပါတယ်။ ဒါတွေကို လေ့လာသုံးသပ်ကြည့်ရင် လက်ရှိ အစိုးရအဖွဲ့သစ် လုပ်ကိုင်နေတာတွေဟာ လူမပြောင်းပေမယ့် မူပြောင်းသလား ဒါမှမဟုတ် အရင်အတိုင်းပဲလား ဆိုတာ မှန်းဆလို့ ရနိုင်မှာမို့ ခုတပတ် ဒီအကြောင်း ဆွေးနွေးတင်ပြမယ် ဖြစ်ပါတယ်။
အထက်မှာ တင်ပြခဲ့တဲ့အတိုင်းပါပဲ။ အစိုးရ အဖွဲ့သစ် တက်ပြီးတာနဲ့ ပြည်တွင်း သတင်းစာ ရေဒီယို ရုပ်သံတွေမှာ အကြိမ်ရေ အများဆုံး မြင်တွေ့နေရသူကတော့ ပြန်ကြားရေးနဲ့ ယဉ်ကျေးမှုဝန်ကြီး ဦးကျော်ဆန်းဖြစ်ပါတယ်။ သမ္မတ ဦးသိန်းစိန် တာဝန်ယူပြီး ပြောကြားတဲ့ မိန့်ခွန်းမှာ စတုတ္တမဏ္ဍိုင်နဲ့ ပါတ်သက်လို့ ခေတ်နဲ့ မလျော်ညီတဲ့ ပြဌာန်းချက်တွေကို အခြေခံဥပဒေပါ အချက်တွေနဲ့ လိုက်လျောညီထွေရှိအောင် ပြင်ဆင်ပေးမယ် ဆိုတဲ့ ကတိလည်း ပါဝင်ပါတယ်။ ဒါပေမယ့် ဒါကို လက်တွေ့အကောင်အထည်ဖော်ရမယ့် ပြန်ကြားဝန်ကြီး ဦးကျော်ဆန်း အနေနဲ့ သူရောက်ရာ နေရာတိုင်းမှာ ပြောနေခဲ့တာကတော့ ‘စာနယ်ဇင်းလွတ်လပ်ခွင့်ကို အမျိုးသား အကျိုးစီးပွားနဲ့အညီ လုပ်ကိုင်ဆောင်ရွက်မယ်’ ဆိုတာပါပဲ။ သူဆိုလိုတဲ့ သဘောကတော့ ခေတ်နဲ့လျော်ညီတဲ့ စာနယ်ဇင်းလွတ်လပ်ခွင့် ပေးမယ် ဆိုတာမျိုး မဟုတ်ပဲ အမျိုးသားအကျိုးစီးပွားကို ကာကွယ်ဖို့ စာနယ်ဇင်းလွတ်လပ်ခွင့်ကို ဆက်ပြီး ပိတ်ပင်သွားမယ့် သဘောဖြစ်နေပါတယ်။ ဒီနေရာမှာ ဦးကျော်ဆန်းပြောတဲ့ အမျိုးသားအကျိုးစီးပွား ဆိုတာဟာ ပြည်သူတွေ အကျိုးစီးပွားမဟုတ်သလို ပြည်သူတွေပါဝင်တဲ့ တစ်မျိုးသားလုံး အကျိုးစီးပွားကို ဆိုလိုတာမျိုးလည်း မဟုတ်ပါဘူး။ လက်ရှိ အစိုးရ အာဏာပိုင်တွေ စစ်ဘက် ထိပ်ပိုင်းခေါင်းဆောင်တွေရဲ့ အကျိုးစီးပွားကို ဆိုလိုတာ ရှင်းနေပါတယ်။
ဒါကြောင့် လက်ရှိ စာပေစိစစ်ရေးဟာ အရင်က ရေးခွင့်သိပ်မပေးတဲ့ ရပ်ကွက်အဆင့် အောက်ခြေမှာ ဖြစ်ပျက်နေတဲ့ အဖြစ်အပျက် တစ်ချို့ကို ရေးသားဖော်ပြခွင့်ပေးတာကလွဲရင် စိစစ်ပိတ်ပင်မှု အားလုံးကို နဂိုအခြေအနေအတိုင်း ဆက်လက်လုပ်ကိုင်ဆောင်ရွက်နေဆဲ ရှိတာတွေ့ရပါတယ်။ တရားဝင် စာနဲ့ ပေနဲ့ ဥပဒေနဲ့ အလျော့ပေးလာတာမျိုး ဘာတစ်ခုမှ မတွေ့မြင်ကြရသေးပါဘူး။ ဒါတွေကတော့ ပြန်ကြားရေးဝန်ကြီး ဦးကျော်ဆန်း လုပ်ကိုင်ဆောင်ရွက်နေတဲ့ ခြေလှမ်းတွေ ဖြစ်ပါတယ်။
ခုတလော ရဲရဲတောက် မိန့်ခွန်းတွေ ပြောနေသူ နောက်တစ်ဦးကတော့ ယခင် စီးပွားရေးလုပ်ငန်းရှင်ကြီး တစ်ဦးဖြစ်တဲ့ စစ်အစိုးရက အလွန်သဘောကျတဲ့ စီးပွားကူးသန်း ဝန်ကြီး ဦးဝင်းမြင့် ဖြစ်ပါတယ်။ သူက သူတို့အစိုးရဟာ အရင်လူတွေလို မဟုတ်ပဲ ပို့ကုန်သွင်းကုန် ပါမစ်တွေကို မြန်မြန်ဆန်ဆန် ချပေးမယ်၊ စားအုန်းဆီ တင်သွင်းခွင့်လို ဆန်တင်ပို့ခွင့်လို လုပ်ငန်းမျိုးကို အရင်တုန်းကလို လူတစ်စု လက်ဝါးကြီးအုပ်ထားတာမျိုး မဖြစ်စေရဘူး အားလုံးကို မျှမျှတတ ချပေးမယ် ဆိုပြီး ပြောဆိုခဲ့ပါတယ်။ သူ့အပြောနဲ့ သူ့လုပ်ရပ် ညီပါရဲ့လား။ ကြည့်ကြရအောင်ပါ။ စားအုန်းဆီ တင်သွင်းခွင့်ကို နဂိုက စစ်တပ် ဦးပိုင် ကုမ္ပဏီကို ပေးခဲ့ပြီး လက်တွေ့တင်သွင်းသူကတော့ ဦးတေဇပိုင် ထူးကုမ္ပဏီ ဖြစ်ပါတယ်။ အခုတော့ ကုမ္ပဏီ (၁ဝ) ခုကို တင်သွင်းခွင့်ပေးလိုက်ပြီဖြစ်ကြောင်း ကြေငြာပါတယ်။ သိကြတဲ့အတိုင်း အဲဒီ ကုမ္ပဏီ (၁ဝ) ခု ဆိုတာက ဦးပိုင်၊ ထူး၊ မက်စ်၊ အေးရှားဝေါလ်၊ ရွှေသံလွင်တို့လို ထိပ်ပိုင်းကုမ္ပဏီတွေချည်းသာ ဖြစ်ပါတယ်။ အခြား ဘယ်သူမှ မပါပါဘူး။ အခြားသူတွေအနေနဲ့ စားအုန်းဆီ တင်သွင်းချင်ရင်တော့ ကုမ္ပဏီ ၅ဝ ကို တစ်စုဖွဲ့ပြီး တန်ချိန် ၃ဝဝဝ တင်သွင်းခွင့်ပြုမယ်လို့ ထုတ်ပြန်ပါတယ်။ ဆိုလိုတာက နာမည်ကြီး ထိပ်ပိုင်းလုပ်ငန်းရှင်ကြီးတစ်ဦးစီကို တန်ချိန် ၃ ထောင်တင်သွင်းခွင့်ပြုပြီး ကုမ္ပဏီငယ်တွေကိုတော့ တန် ၆ဝ လောက်ပဲ တင်သွင်းခွင့်ပြုတဲ့ သဘောဖြစ်ပါတယ်။ တကယ်ဆို ထိပ်ပိုင်းကုမ္ပဏီတွေနည်းတူ တန်ချိန် ၃ဝဝဝ တင်သွင်းနိုင်ဖို့ ကုမ္ပဏီ ၂ ခုဖြစ်စေ၊ ၃-၄ ခုဖြစ်စေ စုဖွဲ့ တင်သွင်းခွင့် ပေးသင့်တာ ဖြစ်ပါတယ်။ ဒီလုပ်ရပ်ဟာ မမျှတတဲ့ သဘောကို ဖော်ပြနေတာ ဖြစ်ပါတယ်။ ဆန်တင်ပို့ခွင့်လည်း အလားတူပါပဲ။ လက်ရှိ ကုမ္ပဏီ (၁ဝ) ခုကိုသာ တင်ပို့ခွင့်ပြုထားပါတယ်။ ဒီကုမ္ပဏီတွေဟာလည်း စားအုန်းဆီ တင်သွင်းခွင့်ရတဲ့ ကုမ္ပဏီတွေနည်းတူ အာဏာပိုင်တွေနဲ့ နီးစပ်တဲ့ အင်အားကြီးကုမ္ပဏီတွေသာ ဖြစ်ပါတယ်။ အဲလို အင်အားကြီး ကုမ္ပဏီတွေတင်မဟုတ်ပဲ အခြားကုမ္ပဏီတွေကိုပါ တင်ပို့ခွင့်ပြုဖို့ စီးပွားရေး လုပ်ငန်းရှင်တစ်ချို့ ဝန်ကြီး ဦးဝင်းမြင့်ဆီ တင်ပြထားသလို ဝန်ကြီး ဦးဝင်းမြင့်ကလည်း အထက်ကို ဆက်လက်တင်ပြထားတယ်လို့ သိရပါတယ်။ ဆန်တင်ပို့ခွင့်နဲ့ ပါတ်သက်ပြီး ဝန်ကြီးက ဘယ်သူ့ကို ဆက်ပြီး တင်ပြထားသလဲ ဆိုတာကတော့ ဘာမှ ရှင်းရှင်းလင်းလင်း မသိရသေးပါဘူး။
ဒီရက်ပိုင်းအတွင်း ပြည်သူတွေ အံ့အားတသင့်ဖြစ်ရတဲ့ ပြသနာ တစ်ခုကတော့ စာတိုက်နဲ့ ကြေးနန်းဝန်ကြီးဌာနရဲ့ အမြန်ချောပို့ခ ဈေးနှုန်း (၁ဝ) ဆ မြှင့်တင်လိုက်တဲ့ ကိစ္စပါ။ နဂိုက အမြန်ချောပို့ခ ကျပ် ၅ဝ သာသတ်မှတ်ထားပေမယ့် လက်ရှိ အမြန်ချော တစ်စောင် အနည်းဆုံး ကျပ် ၅ဝဝ သတ်မှတ်လိုက်ပါတယ်။ ဒီအတွက် ပြည်သူတွေအနေနဲ့ အခက်အခဲတွေ အများကြီး ရှိလာနိုင်ပါတယ်။ အားလုံးသိကြတဲ့အတိုင်း မြန်မာနိုင်ငံမှာ ရိုးရိုးစာပို့တယ်ဆိုတဲ့ စနစ်ဟာ လုံးဝ နီးနီး ပျက်စီးနေပါပြီ။ ပို့တဲ့စာတွေ ရောက်တာရောက် မရောက်တာ မရောက်ပါဘူး။ မှတ်ပုံတင် စာပို့စနစ်လည်း ထို့နည်း၎င်း ပျက်စီးနေတာ ဖြစ်ပါတယ်။ ဒီအတွက် ပြည်သူအများဟာ နှိုင်းယှဉ်ချက်အရ စိတ်ချရတဲ့ ကျပ်ငွေ ၁ဝဝ လောက်ကုန်ကျရင် ရောက်နိုင်တဲ့ အမြန်ချောပို့စနစ်ကို အားကိုးနေကြတာ ဖြစ်ပါတယ်။ ခု ဒီ အမြန်ချောပို့ခကို (၁ဝ) ဆလောက် မြှင့်တင်လိုက်တဲ့အတွက် ပြည်သူတွေ အခက်အခဲ တွေ့နေကြပါပြီ။ ဒီ စာပို့လုပ်ငန်းနဲ့ ပါတ်သက်ရင် ပုဂ္ဂလိကတွေကို အပြိုင်အဆိုင်သဘော ခွင့်ပြုပေးထားတာ မရှိလေတော့ ပြည်သူတွေမှာ ရွေးချယ်ပိုင်ခွင့် မရှိပါဘူး။ ရှေ့မှာလည်း ဒီ လုပ်ငန်းတွေကို ပြုပြင်ပြောင်းလဲဖို့ဆိုတာ မတွေ့မြင်နိုင်သေးပါဘူး။ ဒါတွေက စာတိုက်ကြေးနန်း ဝန်ကြီးတာဝန်ယူထားတဲ့ ဦးသိန်းထွန်းရဲ့ လုပ်ကိုင်ဆောင်ရွက်နေပုံ ဖြစ်ပါတယ်။
လက်ရှိ ဒီဝန်ကြီးဌာနတွေနဲ့ ဝန်ကြီးတွေရဲ့ လုပ်ကိုင်ဆောင်ရွက်ပုံတွေကိုကြည့်ရင် အရင်စစ်အစိုးရလက်ထက်က ဝန်ကြီးဌာနတွေ၊ ဝန်ကြီးတွေရဲ့ လုပ်ကိုင်ဆောင်ရွက်ပုံတွေနဲ့ သိပ်ပြီး ထူးခြားတာ မတွေ့မြင်ရပါဘူး။ ဒီအတွက် လက်ရှိ အစိုးရအဖွဲ့သစ်က လူတွေဟာ အရင် စစ်အာဏာရှင်စနစ် လက်ထက်က တာဝန်ယူခဲ့သူတွေပဲ ဖြစ်လို့ လူတွေ မပြောင်းသလို ယနေ့အချိန်ထိ လုပ်ပုံကိုင်ပုံတွေလည်း ပြောင်းလဲလာတာ မတွေ့မမြင်ရသေးပါကြောင်း တင်ပြလိုက်ရပါတယ်။