A d v e r t i s e m e n t With Us

ကာပယ်လို ရုရှားနည်းပြအဖြစ်မှ ထုတ်ပယ်ခံရ

ဓာတ်ပုံ - ရိုက်တာ
ယူရို ၂၀၁၆ ခြေစစ်ပွဲမှာ ၀င်ရောက်ယှဉ်ပြိုင်နေတဲ့ ရုရှားအသင်းရဲ့ ရလဒ်ဆိုးရွားမှုကြောင့် နည်းပြချုပ် ကာပယ်လိုကို ထုတ်ပယ်လိုက်ပါတယ်။ ဖေဘီယို ကာပယ်လိုနဲ့ ချုပ်ဆိုထားတဲ့ စာချုပ်ကို အဆုံးသတ်လိုက်ပြီလို့ ရုရှားဘောလုံးအဖွဲ့ချုပ် (အာအက်ဖ်ယူ) က ဇူလိုင် ၁၄ ရက် အင်္ဂါနေ့မှာ ပြောပါတယ်။ ရုရှားက အိမ်ရှင်အဖြစ် ကျင်းပခွင့်ရထားတဲ့ ၂၀၁၈ ကမ္ဘာ့ဖလား ကျင်းပဖို့ ၃ နှစ်အလိုမှာ အခုလို စာချုပ် ဖျက်သိမ်းလိုက်တာလည်း ဖြစ်ပါတယ်။ အသက် ၆၉ နှစ်အရွယ် နည်းပြကြီးရဲ့ နေရာမှာ ဆက်ခံမယ့်သူကို အလျှင်စလို ကြေညာမှာ မဟုတ်ဘူးလို့ ဆိုပေမယ့် စီအက်စ်အေကေ မော်စကိုနည်းပြ လီယိုနစ် စလပ်စကီး (Leonid Slutski) က ကာပယ်လိုရဲ့နေရာကို ဆက်ခံဖွယ်ရှိတယ်လို့ ပြည်တွင်းမီဒီယာတွေက ဆိုပါတယ်။ ကာပယ်လိုဟာ ၂၀၁၀ ကမ္ဘာ့ဖလားမှာ အင်္ဂလန်အသင်းကို ကိုင်တွယ်ခဲ့ပြီး ၂၀၁၂ ဇူလိုင်လကစလို့ ရုရှားအသင်းကို ပြောင်းလဲကိုင်တွယ်ခဲ့ပါတယ်။ ရုရှားအသင်းနဲ့ သူ့ရဲ့စာချုပ်ကိုလည်း ၂၀၁၈ နှစ်ကုန်အထိ ထပ်တိုးထားတာပါ။ သူဟာ ရုရှားအသင်းကို မနှစ် ဘရာဇီး ကမ္ဘာ့ဖလား ခြေစစ်ပွဲအောင်မြင်အောင် စွမ်းဆောင်နိုင်ခဲပေ့မယ့် ရုရှားအသင်းဟာ အောင်မြင်မှုမရဘဲ အုပ်စုအဆင့်က လှည့်ပြန်ခဲ့ရပါတယ်။ ဇွန် ၁၄ ရက်နေ့ကလည်း ရုရှားအသင်းဟာ ယူရို ၂၀၁၆ ခြေစစ်ပွဲစဉ်အဖြစ် သြစတြီးယားနဲ့ အိမ်ကွင်းမှာ ယှဉ်ပြိုင်ရာ ၁ ဂိုး ဂိုးမရှိနဲ့ ရှုံးနိမ့်ခဲ့လို့ အုပ်စုဂျီမှာ ၆ ပွဲကစား၊ ရမှတ် ၈ မှတ်နဲ့ အုပ်စု တတိယနေရာမှာပဲ ရပ်တည်နေနိုင်ပါတယ်။

A d v e r t i s e m e n t With Us

More News
Up