အမေရိကန်စစ်တပ်တွင် လိင်အင်္ဂါ ပြောင်းလဲထားသူများကို စစ်မှုထမ်းခွင့်ပေးရန် စဉ်းစား

ဓာတ်ပုံ - ရိုက်တာ
မကြာခင် အမေရိကန်စစ်တပ်မှာ လိင်အင်္ဂါ ပြောင်းလဲခွဲစိတ်ထားသူတွေကို တရားဝင် စစ်မှုထမ်းခွင့်ပေးဖို့ စဉ်းစားသုံးသပ်နေတယ်လို့ အမေရိကန် ကာကွယ်ရေးဝန်ကြီးက ဇူလိုင် ၁၃ ရက်နေ့က ပြောပါတယ်။ လက်ရှိ အမေရိကန်စစ်တပ်မှာ လိင်အင်္ဂါ ပြောင်းလဲသူတွေအပေါ် ကန့်သတ်ပိတ်ပင်မှုတွေဟာ အခုခေတ်ကာလနဲ့ မကိုက်တော့ဘူးလို့ ကာကွယ်ရေးဝန်ကြီး အက်ခ်ျတွန်ကာတာက ပြောပါတယ်။ လက်တွေ့လည်း အမေရိကန်စစ်တပ် အတွင်းမှာ လိင်အင်္ဂါ ပြောင်းလဲသူတွေ အများအပြား တာဝန်ထမ်းဆောင်နေကြပြီး သူတို့ကြုံတွေ့နေရတဲ့ အခက်အခဲကတော့ တယောက်နဲ့တယောက် မတူဘူးလို့ ဆိုပါတယ်။ ဒီကန့်သတ်ပိတ်ပင်တဲ့ ဥပဒေတွေကို ဖယ်ရှားလိုက်ရင် အမေရိကန်စစ်တပ်အပေါ် ဘယ်လိုထိခိုက်မှုတွေ ရှိနိုင်မလဲ ဆိုတာကို စုံစမ်းလေ့လာရေး အဖွဲ့တဖွဲ့က ၆ လကြာ သုသေတနလုပ် လေ့လာသွားမယ်လို့ ပြောပါတယ်။ လိင်အင်္ဂါပြောင်းလဲထားတဲ့သူတွေ လက်ရှိ အမေရိကန်ကြည်းတပ်၊ ရေတပ်၊ လေတပ်၊ မရိန်းတပ်ထဲမှာ အစုံရှိကြပြီး တကယ့် အမေရိကန် မျိုးချစ်တပ်ဖွဲ့ဝင်တွေ ဖြစ်ကြတယ်၊ ခေတ်လည်းမရှိ လက်တွေ့လည်းမကျ၊ တိတိကျကျလည်းမရှိတဲ့ သူတို့အပေါ် တားမြင်ပိတ်ပင်မှု ဥပဒေဟာ သူတို့ကို ထိခိုက်စေတယ်လို့ ၀န်ကြီး ကာတာက ပြောပါတယ်။ ဒီကန့်သတ်ပိတ်ပင်မှုကို ဖယ်ရှားလိုက်ပေမယ့် သူတို့ လိင်အင်္ဂါ ခွဲစိတ်စရိတ်တွေအတွက် အမေရိကန်စစ်တပ်က ထောက်ပံ့မှု ပေးမပေးကတော့ မရှင်းလင်းသေးပါဘူး။ ၂၀၁၁ ခုနှစ်က လိင်တူစိတ်ဝင်စားသူတွေကို အမေရိကန်စစ်တပ်မှာ ပွင့်ပွင့်လင်းလင်း ထမ်းဆောင်ခွင့် ပေးမှုကတော့ အောင်အောင်မြင်မြင် ဖြစ်ခဲ့ပါတယ်။ လက်ရှိ အမေရိကန်စစ်တပ်မှာတော့ လိင်အင်္ဂါပြောင်းလဲသူတွေကို စစ်တပ်က ထုတ်ပယ်မယ်ဆိုတဲ့ စည်းမျှဉ်းစည်းကမ်း ရှိပေမယ့် အများအပြားဟာ ပုန်းလျှိုးကွယ်လျှိုး ဒါမှမဟုတ် အထက်အရာရှိတွေရဲ့ နားလည်မှုနဲ့ တာဝန်ထမ်းဆောင်နေကြတာ ဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up