A d v e r t i s e m e n t With Us

မြန်မာ့လက်ရွေးစင်အသင်း နည်းပြချုပ် အဗရာမိုဗစ်ကို သက်တမ်းတိုး

ဓာတ်ပုံ - အမ်အက်ဖ်အက်ဖ်
ဇူလိုင် ၁၀ ရက် မနက်ပိုင်းက မြန်မာ့လက်ရွေးစင်အသင်း နည်းပြချုပ် အဗရာမိုဗစ်ကို မြန်မာနိုင်ငံ ဘောလုံးအဖွဲ့ချုပ် (အမ်အက်ဖ်အက်ဖ်) က သက်တမ်းတိုး စာချုပ်ချုပ်ဆိုလိုက်ပါတယ်။ ၂၀၁၅ ခုနှစ် ဇူလိုင် ၃၁ ရက်မှာ ကုန်ဆုံးမယ့် စာချုပ်ကို ၁၇ လကြာ သက်တမ်းတိုးစာချုပ် ချုပ်ဆိုလိုက်တယ်လို့ အမ်အက်ဖ်အက်ဖ်ရဲ့ လူမှုရေးကွန်ရက် ဖေ့စ်ဘွတ်ခ်စာမျက်နှာမှာ ရေးပါတယ်။ စာချုပ်ပါအချက်တွေအရ အဗရာမိုဗစ်ဟာ မြန်မာ့လက်ရွေးစင်အသင်း နည်းပြချုပ် တာဝန်ကို အဓိက ဆောင်ရွက်ရမှာဖြစ်သလို မြန်မာ ယူ-၂၃ နဲ့ ယူ-၂၂ အသင်းတွေကို နည်းစနစ်ပိုင်း အကြံပေးတာတွေ လုပ်ဆောင်သွားရမှာ ဖြစ်ပါတယ်။ ၂၈ ကြိမ်မြောက် စင်ကာပူဆီးဂိမ်း အမျိုးသား ဘောလုံးပြိုင်ပွဲမှာ ငွေတံဆိပ်ဆု ဆွတ်ခူးဖို့ စွမ်းဆောင်ပေးတဲ့ နည်းပြချုပ် ဦးကြည်လွင်ကို မြန်မာ့လက်ရွေးစင်အသင်း လက်ထောက်နည်းပြ အဖြစ် ခန့်အပ်သွားမှာ ဖြစ်သလို ၂၀၁၅ နယူးဇီလန် ကမ္ဘာ့ ယူ-၂၀ ပြိုင်ပွဲဝင် မြန်မာ ယူ-၂၀ အသင်းရဲ့ ဂိုးနည်းပြ ဦးအောင်ကျော်ကျော်ကို မြန်မာ့လက်ရွေးစင်အသင်းရဲ့ ဂိုးနည်းပြအဖြစ် အမ်အက်ဖ်အက်ဖ်က ခန့်အပ်သွားမှာ ဖြစ်ပါတယ်။

A d v e r t i s e m e n t With Us

More News
Up