နိုင်ငံတကာ အာကာသစခန်းကို ရိက္ခာနဲ့ အရေးပေါ်ထောက်ပံ့ပစ္စည်းတွေ သယ်ဆောင်သွားတဲ့ ရုရှား ထောက်ပံ့ရေးယာဉ် ပရောဂရက်စ် ဆစ်တီ (Progress 60) ဟာ တနင်္ဂနွေနေ့က အာကာသစခန်းနဲ့ အောင်အောင်မြင်မြင် ချိတ်ဆက်မိပြီလို့ နာဆာ အာကာသအေဂျင်စီက ထုတ်ပြန်ပါတယ်။ လူလိုက်ပါခြင်းမရှိတဲ့ ဒီသယ်ယူပို့ဆောင်ရေးယာဉ်ကို ရုရှားဒုံးပျံ ဆိုယုဇ် (Soyuz) နဲ့ ဇူလိုင် ၃ ရက် သောကြာနေ့က ကာဇက်စတန် ဂြိုဟ်တုလွှတ်တင်ရေး စခန်းကနေ လွှတ်တင်လိုက်တာပါ။ နိုင်ငံတကာ အာကာသစခန်းမှာ တာဝန်ထမ်းဆောင်နေကြတဲ့ အာကာသယာဉ်မှူးတွေအတွက် အစားအသောက်နဲ့ ထောက်ပံ့ရေးပစ္စည်း ၃ တန်ကျော် သယ်ဆောင်သွားတာပါ။ အခုလို အောင်အောင်မြင်မြင် မချိတ်ဆက်နိုင်ခင်က ရုရှားနဲ့ အမေရိကန် ရိက္ခာထောက်ပံ့ရေးဒုံးပျံ ၂ စင်းကို လွှတ်တင်ခဲ့ပေမယ့် ၂ ကြိမ်လုံး မအောင်မြင်ခဲ့ပါဘူး။ ပြီးခဲ့တဲ့ ဧပြီလက ရုရှားနိုင်ငံက လွှတ်တင်ခဲ့တဲ့ ပရောဂရက်စ် ဖစ်ဖ်တီနိုင်း (Progress 59) ဟာ လမ်းမှာ အချိတ်အဆက် လွဲခဲ့ပြီး ကမ္ဘာမြေပေါ် ပြန်အကျ မီးလောင်ပျက်စီးခဲ့ပါတယ်။ ပြီးခဲ့တဲ့လမှာပဲ အမေရိကန်နိုင်ငံရဲ့ ဖယ်လ်ကွန် နိုင်း (Falcon 9) ဒုံးပျံဟာလည်း လွှတ်တင်ပြီး ၂ မိနစ်ကျော်မှာ လမ်းမှာတင် ပေါက်ကွဲပျက်စီးသွားခဲ့ပါတယ်။ ဒုံးပျံပေါက်ကွဲရခြင်း အကြောင်းကို အမေရိကန် လေကြောင်းအာဏာပိုင်တွေက စုံစမ်းနေဆဲလည်း ဖြစ်ပါတယ်။