ရွေးကောက်ပွဲမတိုင်မီ နိုင်ငံရေးအကျဉ်းသားအားလုံး လွှတ်ပေးရန် တောင်းဆို
DVB
·
July 6, 2015
၂၀၁၅ ရွေးကောက်ပွဲမတိုင်မီ နိုင်ငံအနှံ့ အကျဉ်းထောင် အသီးသီးမှာ အကျဉ်းကျခံနေရတဲ့ နိုင်ငံရေးအကျဉ်းသားတွေအားလုံး လွှတ်ပေးဖို့ နိုင်ငံရေးအကျဉ်းသားဟောင်းများအဖွဲ့က အစိုးရကို တောင်းဆိုလိုက်ပါတယ်။
ဇူလိုင်လ ၅ ရက်နေ့က နိုင်ငံရေးအကျဉ်းသားဟောင်းများအဖွဲ့က တောင်ဒဂုံမှာရှိတဲ့ နိုင်ငံရေး အကျဉ်းသားတွေရဲ့ နေအိမ်တွေကို လိုက်လံတွေ့ဆုံ အားပေးမှုအပြီး အခုလို ပြောဆိုလိုက်တာပါ။
ဇူလိုင်လ ၅ ရက်နေ့ က နိုင်ငံရေးအကျဉ်းသားဟောင်းများအဖွဲ့က တောင်ဒဂုံမှာရှိတဲ့ ဦးနေမျိုးဇင် နေအိမ်အပါအ၀င် နိုင်ငံရေးအကျဉ်းသားတွေရဲ့ အိမ် ၆ အိမ်ကို သွားရောက်သတင်းမေးမြန်း ခဲ့ပါတယ်။ ကိုနေမျိုးဇင်ရဲ့ ဇနီးဖြစ်သူကတော့ တရုတ်သံရုံးရှေ့ဆန္ဒပြမှုနဲ့ပတ်သက်ပြီး ထောင် ၄ နှစ် ၄ လ ချတာဟာ မတရားဘူးလို့ ဒီဗွီဘီကို ပြောပါတယ်။
နိုင်ငံရေးအကျဉ်းသားဟောင်းများအနေနဲ့ ၂၀၁၁ ခုနှစ်ကလည်း နိုင်ငံရေးကြောင့် အကျဉ်း ကျနေတဲ့ နိုင်ငံရေးအကျဉ်းသားတွေရဲ့နေအိမ်တွေကိုလိုက်လံသတင်းမေးမြန်းတာတွေ ပြုလုပ်ခဲ့ ဖူးပါတယ်။
လက်ရှိမြန်မာနိုင်ငံတွင်းအကျဉ်းထောင်တွေမှာနိုင်ငံရေးအကျဉ်းသားပေါင်း ၁၆၃ ဦး ဖမ်းဆီး ခံနေရပြီး နိုင်ငံရေးလှုပ်ရှားမှုများကြောင့် တက်ကြွလှုပ်ရှားသူ ၄၄၂ ဦး တရား ရင်ဆိုင်နေရကြောင်းနဲ့ အကျဉ်းထောင်တွေထဲက နိုင်ငံရေးတက်ကြွလှုပ်ရှားသူတွေရဲ့ ကျန်းမာရေး အခြေအနေဟာ ယခုလပိုင်းသိသိသာသာ ဆိုးရွားလာနေတယ်လို့ နိုင်ငံရေး အကျဉ်းသားများ ကူညီစောင့်ရှောက်ရေးအသင်းက ကြေညာထားပါတယ်။
